The Paradise | కడుపు మండిన కాకుల కథ.. గూజ్‌బమ్స్‌ తెచ్చేలా నాని లుక్‌

‘చరిత్రలో అందరూ చిలకలు, పావురాలు గురించి రాసిర్రు గానీ.. గదే జాతిలో పుట్టిన కాకుల గురించి రాయలే.. ఇది కడుపు మండిన కాకుల కథ. జమానా జమానాకెళ్లి నడిచే శవాల కథ.. అమ్మరొమ్ములో పాలు లేక రక్తం బోసి పెంచిన ఓ జాతి కథ.. ఒక దగడ్‌ వొచ్చి మొత్తం జాతిలో జోష్‌ తెచ్చిండు.

The Paradise | ‘చరిత్రలో అందరూ చిలకలు, పావురాలు గురించి రాసిర్రు గానీ.. గదే జాతిలో పుట్టిన కాకుల గురించి రాయలే.. ఇది కడుపు మండిన కాకుల కథ. జమానా జమానాకెళ్లి నడిచే శవాల కథ.. అమ్మరొమ్ములో పాలు లేక రక్తం బోసి పెంచిన ఓ జాతి కథ.. ఒక దగడ్‌ వొచ్చి మొత్తం జాతిలో జోష్‌ తెచ్చిండు. థూ అనిపించుకున్న కాకులు తల్వార్‌లు పట్టినాయ్‌.. ఆ కాకులని ఒకటి చేసిన తిరుగుబాటుదారుడి కథ ఇది.. ఓ యువకుడు నాయకుడిగా మారిన కథ..’ నాని హీరోగా రూపొందుతోన్న ‘ది ప్యారడైజ్‌’ సినిమా ‘రా స్టేట్మెంట్‌’ గ్లింప్స్‌ ప్రారంభంలో వచ్చే వాయిస్‌ ఓవర్‌ ఇది.

దీన్ని బట్టి ఈ సినిమా ఎలా ఉండబోతున్నదో చెప్పేశాడు దర్శకుడు శ్రీకాంత్‌ ఓదెల. మృతదేహాలు, మురికివాడలు, ఎగురుతున్న కాకులు.. ఓ అంతుచిక్కని ప్రపంచాన్ని చూపించాడు దర్శకుడు ఈ గ్లింప్స్‌లో. రగ్గ్‌డ్‌ లుక్‌తో చిత్రమైన బాడీ లాంగ్వేజ్‌తో, రెండు జడలతో ఆడియన్స్‌కి గూజ్‌బమ్స్‌ తెచ్చేలా నాని లుక్‌ ఉంది. ఈ సినిమాకోసం నాని మేకోవర్‌ అదిరిపోయింది. తిరుగుబాటు ప్రపంచంలో నాయకుడి ప్రయాణాన్ని చూపించిందీ గ్లింప్స్‌. వచ్చే ఏడాది మార్చి 26న విడుదల కానున్న ఈ చిత్రానికి కెమెరా: జి.కె.విష్ణు, సంగీతం: అనిరుధ్‌ రవిచందర్‌, నిర్మాత : సుధాకర్‌ చెరుకూరి.