ఆ రోజు కోసం నిరీక్షణ

ఇటీవల ప్రేక్షకుల ముందుకొచ్చిన మలయాళ ప్రేమకథా చిత్రం ‘బెత్లెహోమ్‌ కుటుంబ యూనిట్‌' 300కోట్లకు పైగా వసూళ్లతో అక్కడ ఇండస్ట్రీ హిట్‌గా నిలిచింది. ఈ నేపథ్యంలో తెలుగులో కూడా ఈ తరహా సినిమాలు రావాల్సిన అవశ్యకత గురించి అగ్ర హీరో నాని తన అభిప్రాయాల్ని వ్యక్తం చేశారు.

ఇటీవల ప్రేక్షకుల ముందుకొచ్చిన మలయాళ ప్రేమకథా చిత్రం ‘బెత్లెహోమ్‌ కుటుంబ యూనిట్‌’ 300కోట్లకు పైగా వసూళ్లతో అక్కడ ఇండస్ట్రీ హిట్‌గా నిలిచింది. ఈ నేపథ్యంలో తెలుగులో కూడా ఈ తరహా సినిమాలు రావాల్సిన అవశ్యకత గురించి అగ్ర హీరో నాని తన అభిప్రాయాల్ని వ్యక్తం చేశారు. తెలుగులో కూడా ఓ సాధారణ ప్రేమకథ మూడొందల కోట్లు రాబట్టి చరిత్ర సృష్టించాలన్నది తన అభిమతమని ఆయన అన్నారు. ‘నిజాయతీగా, ప్రేక్షకుల హృదయాల్ని స్పృశించే కథాంశాలతో సినిమాలు తీసినప్పుడు ఫ్యామిలీ ఆడియెన్స్‌ తప్పకుండా థియేటర్లకు వస్తారు. సహజమైన భావోద్వేగాలను ప్రతిబింబిస్తూ ప్రజల జీవితాలకు దగ్గరగా ఉండే సినిమాల్ని నిర్మించాలి.

టాలీవుడ్‌లో అలాంటి మార్పు కోసం నిరీక్షిస్తున్నా. చిన్న ప్రేమకథ సైతం రికార్డులు తిరగరాస్తే చూడాలనుంది’ అని నాని అన్నారు. ప్రస్తుతం తాను నిర్మాతగా నితిన్‌తో రూపొందిస్తున్న ‘అలియాస్‌ రుక్మిణి’ కూడా హృదయానికి హత్తుకునే కథాంశమని ఆయన చెప్పారు. ఇటీవలే ‘ది ప్యారడైజ్‌’ చిత్రంతో మంచి విజయాన్ని సాధించారు నాని.ప్రస్తుతం ఆయన సుజీత్‌ దర్శకత్వంలో ‘బ్లడీ రోమియో’ చిత్రంలో నటిస్తున్నారు. ఢిల్లీలో ఈ సినిమా తాజా షెడ్యూల్‌ జరుగుతున్నదని సమాచారం.