Mokshagna | నందమూరి బాలకృష్ణ వారసుడు మోక్షజ్ఞ తేజ ఎంట్రీ గురించి సర్వాత్రా ఆసక్తి నెలకొంది. ఎలాంటి కథతో వస్తున్నాడు? ఏ దర్శకుడితో సినిమా చేస్తున్నాడు? అనే ప్రశ్నలు ప్రతీ నందమూరి అభిమానుల మదిల్లో మెదులుతున్నాయి. ఇక ఈ మధ్య మోక్షజ్ఞ తండ్రి బాలయ్య సినిమా సెట్స్ ను తెగ చుట్టేస్తున్నాడు. వీరసింహా రెడ్డి టైమ్ లో మోక్షజ్ఞ పలు సార్లు సెట్స్ లో సందడి చేశాడు. ఇక ఇదంతా పక్కన పెట్టేస్తే తాజాగా మోక్షజ్ఞను చూసి అందరూ తెగ షాక్ అయిపోతున్నారు. ఒకప్పుడు లావుగా అసలు హీరో మెటీరియల్ లానే లేడు అనుకున్న మోక్షజ్ఞ.. ఇప్పుడు స్లిమ్ గా, హీరో అంటే ఇలా ఉండాలి అనేంతలా మారిపోయాడు.
ఆ మధ్య నటనలోకి అడుగు పెట్టడానికి మోక్షజ్ఞనే ఆసక్తి చూపించట్లేదని గుసగుసలు వినిపించాయి. అలాంటి అభిప్రాయం కలగడానికి తన లుక్స్ ప్రధాన కారణం. ఒకప్పుడు మోక్షజ్ఞ చాలా లావుగా కనిపించాడు. ఒక దశలో విపరీతంగా బరువు పెరిగిపోయి.. పొట్టతో కనిపించి అభిమానులకు షాకిచ్చాడు. దాంతో చాలా ముందు మోక్షజ్ఞకు సినిమాల్లోకి రావడం ఇష్టం లేదోమో అనుకున్నారు. అంతెందుకు ఏడాది ముందు కూడా మోక్షజ్ఞ లుక్స్ హీరోకు తగ్గట్లు లేవు. అయితే మళ్లీ గతకొంత కాలంగా మోక్షజ్ఞ సినిమాల్లోకి ఎంట్రీ ఇవ్వబోతున్నట్లు తెగ ప్రచారం జరుగుతుంది.
అంతేకాకుండా బాలయ్య కెరీర్ లో ఓ మైలురాయిగా నిలిచిన ఆదిత్య369 సినిమా సీక్వెల్ లో నటిస్తున్నట్లు తెలుస్తుంది. ఇక ఈ సినిమాకు బాలయ్యనే స్వయంగా దర్శకత్వం వహించబోతున్నాడట. కాగా మోక్షజ్ఞ ఎంట్రీ కోసమే బాలయ్య కొడుకు లుక్స్ పై మరింత కేర్ తీసుకున్నాడట. ఈ క్రమంలోనే చాలా స్లిమ్ గా అయి అందరికీ షాక్ ఇచ్చాడు. అయితే ఇంత త్వరగా సన్నమవడానికి తారక్ లానే సర్జరీ చేయించుకున్నాడని అందరూ భావిస్తున్నారు. ఇక ఏదేమైనా ఇలా మోక్షజ్ఞ తేజ లుక్స్ చూసి నందమూరి అభిమానులు ఫుల్ ఖుషీ అవుతున్నారు.