Visit:
అగ్ర హీరో బాలకృష్ణతో కొరటాల శివ సినిమా ఖరారవ్వగానే, వివేక్ ఆత్రేయతో బాలకృష్ణ సినిమా కష్టమే అంటూ.. మీడియా సర్కిల్స్లో వార్తలు వినిపిస్తున్నాయి. అయితే.. తాజా సమాచారం ప్రకారం వివేక్ ఆత్రేయతో బాలయ్య సినిమా కచ్చితంగా ఉంటుందట. ‘కురుక్షేత్రం’ అనే టైటిల్ను కూడా ఈ సినిమాకు ఖరారు చేశారు వివేక్ ఆత్రేయ.
ఈ సినిమాకు సంబంధించిన ఆసక్తికరమైన మరో వార్త ఏంటంటే? బాలకృష్ణ డ్యూయెల్ రోల్గా ఈ సినిమాను చేయాలని ముందుగా భావించిన వివేక్ ఆత్రేయ.. ఇప్పుడీ కథను మల్టీస్టారర్గా మార్చారట. బాలయ్య కూడా దీనికి గ్రీన్సిగ్నల్ ఇచ్చినట్టు ఫిల్మ్ వర్గాల సమాచారం. త్వరలో మోహన్లాల్కి కథ వినిపించనున్నారు వివేక్ ఆత్రేయ. ఆయనకు కథ నచ్చితే ప్రాజెక్ట్ పట్టాలెక్కినట్టే. బాలయ్య, మోహన్లాల్ కాంబినేషన్లో సినిమా చేస్తే, హైప్ నెక్ట్స్ లెవల్లో ఉంటుందని ప్రత్యేకించి చెప్పాల్సిన పనిలేదు. తెరపై ఈ రెండు సింహాల కొట్లాట.. ప్రేక్షకులకు కన్నుల పంటే అవుతుంది.
