మరో డైరెక్టర్‌ కథకు గ్రీన్‌సిగ్నల్‌?

అగ్రహీరో నందమూరి బాలకృష్ణ ప్రస్తుతం మలినేని గోపీచంద్‌ దర్శకత్వంలో రూపొందుతున్న ‘NBK111’(వర్కింగ్‌ టైటిల్‌) షూటింగ్‌లో బిజీగా ఉన్నారు.

అగ్రహీరో నందమూరి బాలకృష్ణ ప్రస్తుతం మలినేని గోపీచంద్‌ దర్శకత్వంలో రూపొందుతున్న ‘NBK111’(వర్కింగ్‌ టైటిల్‌) షూటింగ్‌లో బిజీగా ఉన్నారు. మరోవైపు వివేక్‌ ఆత్రేయ సినిమాకూ గ్రీన్‌ సిగ్నల్‌ ఇచ్చారు. మైత్రీ మూవీమేకర్స్‌ నిర్మించనున్న ఈ చిత్రం షూటింగ్‌ దసరా రోజున ప్రారంభం కానున్నట్టు వినికిడి. ఇదిలావుంటే.. ఇదే జోష్‌ని కొనసాగిస్తూ మరో దర్శకుని కథకు కూడా బాలయ్య గ్రీన్‌ సిగ్నల్‌ ఇచ్చినట్టు విశ్వసనీయంగా తెలిసింది. ఇటీవలే ఆయనకు ‘నాంది’ఫేం విజయ్‌ కనకమేడల ఓ కథ వినిపించారట. ఆ కథ బాలకృష్ణకు బాగా నచ్చడంతో భుజం తట్టి Go ahead అనేశారట. వచ్చే ఏడాది ప్రారంభంలో ఈ సినిమా షూటింగ్‌ని స్టార్ట్‌ చేస్తారట. సుధాకర్‌ చెరుకూరి ఈ చిత్రాన్ని నిర్మిస్తారని తెలిసింది.