జపాన్‌లో ‘నాగ్‌-సామ’

భారతీయ నటీనటుల పట్ల జపాన్‌ ప్రజలు ఎంతో ఆదరణ కనబరుస్తారు. సూపర్‌స్టార్‌ రజనీకాంత్‌కు అక్కడ భారీ ఫ్యాన్‌ ఫాలోయింగ్‌ ఉన్న విషయం తెలిసిందే. ‘ఆర్‌ఆర్‌ఆర్‌' చిత్రంతో ఎన్టీఆర్‌, రామ్‌చరణ్‌, ‘బాహుబలి’తో ప్రభాస్‌ కూడా జపాన్‌లో ఎందరో అభిమానులను సంపాదించుకున్నారు. ఇప్పుడు ఈ వరుసలో అగ్ర నటుడు నాగార్జున చేరారు.

భారతీయ నటీనటుల పట్ల జపాన్‌ ప్రజలు ఎంతో ఆదరణ కనబరుస్తారు. సూపర్‌స్టార్‌ రజనీకాంత్‌కు అక్కడ భారీ ఫ్యాన్‌ ఫాలోయింగ్‌ ఉన్న విషయం తెలిసిందే. ‘ఆర్‌ఆర్‌ఆర్‌’ చిత్రంతో ఎన్టీఆర్‌, రామ్‌చరణ్‌, ‘బాహుబలి’తో ప్రభాస్‌ కూడా జపాన్‌లో ఎందరో అభిమానులను సంపాదించుకున్నారు. ఇప్పుడు ఈ వరుసలో అగ్ర నటుడు నాగార్జున చేరారు.

నాగార్జున ప్రత్యేక పాత్ర పోషించిన హిందీ చిత్రం ‘బ్రహ్మాస్త్ర’ జపాన్‌లో మంచి విజయాన్ని సాధించింది. తాజా చిత్రం ‘కుబేర’ సైతం జపాన్‌లో ఆదరణ పొందింది. ఈ నేపథ్యంలో జపాన్‌లోని నాగార్జున అభిమానులు ఆయన్ని ‘నాగ్‌-సామ’ అనే పేరుతో పిలుచుకుంటున్నారు. జపాన్‌ భాషలో ‘సామ’ అంటే రాజవంశానికి చెందిన వ్యక్తి లేదా సమాజంలో గొప్ప గౌరవం కలిగిన వ్యక్తి అని అర్థం.

నాగార్జున పట్ల అభిమానాన్ని చూపడానికి వారు ఆ పదాన్ని ఎంచుకోవడం అక్కడి వారి ప్రేమకు నిదర్శనమని అంటున్నారు. ఇదిలా ఉండగా రజనీకాంత్‌ హీరోగా నాగార్జున ప్రతినాయకుడి పాత్రలో నటించిన ‘కూలీ’ చిత్రం త్వరలో విడుదలకు సిద్ధమవుతున్నది. ఈ చిత్రాన్ని జపాన్‌లో కూడా విడుదల చేయబోతున్నారు. దీంతో రజనీ-నాగ్‌ ద్వయం నటనతో జపాన్‌ ప్రేక్షకులు ఫిదా అవడం అభిమానులు ఖుషీగా ఉన్నారు.