Visit:
Naga Babu | ప్రముఖ కామెడీ షో జబర్ధస్త్ గత కొంతకాలంగా రేటింగ్స్ విషయంలో వెనుకబడిన సంగతి తెలిసిందే. ఒకప్పుడు టాప్ రేటింగ్తో దూసుకెళ్లిన ఈ షో, మధ్యలో తన పాత జోష్ కోల్పోయినట్టుగా కనిపించింది. అయితే ఇప్పుడు మళ్లీ పునర్వైభవం తీసుకొచ్చేందుకు టీం కీలక నిర్ణయాలు తీసుకుంటోంది. అందులో భాగంగానే ప్రముఖ నటుడు, నిర్మాత నాగబాబు ను మళ్లీ జడ్జ్గా తీసుకురావడం ఆసక్తికరంగా మారింది. నాగబాబు రీఎంట్రీతో షోలో కొత్త ఎనర్జీ కనిపిస్తోంది. గతంలో షో నిర్వాహకులపై తీవ్ర వ్యాఖ్యలు చేసిన ఆయన, ఇప్పుడు వాటన్నింటినీ పక్కన పెట్టి మళ్లీ జడ్జ్ కుర్చీలో కూర్చోవడం చర్చనీయాంశంగా మారింది. ఈ సందర్భంగా యాంకర్ రష్మీ మాట్లాడుతూ, “ఈ కుర్చీ ఎప్పటికీ మీదే” అంటూ నాగబాబుపై ప్రశంసలు కురిపించడం ప్రత్యేక ఆకర్షణగా నిలిచింది.
ఇక నాగబాబు కూడా తనదైన శైలిలో స్పందిస్తూ, తాను షోలో లేకపోయినా ఎప్పుడూ దీనిగురించే ఆలోచించేవాడినని, ఎవరైనా తప్పు చేస్తే సెట్కి వచ్చి మందలించాలని అనిపించేదని అన్నారు. ఈ మాటలు ఆయనకు ఈ షోపై ఉన్న అనుబంధాన్ని తెలియజేస్తున్నాయి. షోలో ప్రస్తుతం కొత్త కమెడియన్స్ ఎక్కువగా కనిపిస్తుండగా, ఈ విషయాన్ని స్కిట్లలో కూడా వినోదాత్మకంగా ప్రస్తావిస్తున్నారు. అదే సమయంలో పాత యాంకర్పై సెటైర్లు వేస్తూ వినోదాన్ని పెంచుతున్నారు. ఇక రోజా లేకుండా షో కొనసాగుతుండగా, ఆమె అనుచరుడిగా పేరున్న రాకెట్ రాఘవ (రాకేష్) భవిష్యత్తు ఎలా ఉంటుందన్నది కూడా ఆసక్తిగా మారింది. మరోవైపు, పాత కమెడియన్స్ రీఎంట్రీపై కూడా ఊహాగానాలు జోరందుకున్నాయి.
ముఖ్యంగా చమ్మక్ చంద్ర తిరిగి వస్తాడా? అన్న ప్రశ్న ప్రేక్షకుల్లో చర్చనీయాంశంగా మారింది. నాగబాబు తన పాత టీమ్ను మళ్లీ తీసుకొస్తాడేమోనన్న ఆసక్తి పెరుగుతోంది. ఇటీవల ప్రసారమైన ఎపిసోడ్లో బుల్లెట్ భాస్కర్ వేసిన పొలిటికల్ సెటైర్లు కూడా హాట్ టాపిక్గా మారాయి. “నేను ఏమైనా ఎమ్మెల్యే, ఎమ్మెల్సీ అయ్యానా?” అంటూ చెప్పిన డైలాగ్ ప్రేక్షకులను ఆకట్టుకుంది. భవిష్యత్తులో ఇలాంటి సెటైర్లు మరింత పెరిగే అవకాశముంది. నాగబాబు రీఎంట్రీతో జబర్దస్త్ షోలో మళ్లీ పాత ఉత్సాహం కనిపిస్తోంది. కంటెస్టెంట్ల స్కిట్లు, పంచ్ డైలాగ్స్కు నాగబాబు పగలబడి నవ్వడం కూడా టీంకు కొత్త ఎనర్జీ ఇస్తోందని ఆటో రామ్ ప్రసాద్ తెలిపారు. ఈ మార్పులతో జబర్దస్త్ మళ్లీ టాప్ రేటింగ్స్ సాధిస్తుందా లేదా అనేది ఆసక్తికరంగా మారింది.
