Nag Ashwin | ఆ ప్రేరణతోనే కల్కి తీశా.. పార్ట్‌- 2లో మరో కొత్త ప్రపంచాన్ని చూపిస్తా: నాగఅశ్విన్‌

‘ ‘కల్కి 2898 ఏడీ’ ఓ గొప్ప సినిమాటిక్‌ ఎక్స్‌పీరియన్స్‌ ఇచ్చిందని అందరూ అంటున్నారు. నాలాంటి మేకర్స్‌ ముఖ్య ఉద్దేశం కూడా అదే. థియేటర్స్‌కి వెళ్లిన ఆడియన్స్‌ సినిమాటిక్‌ ఎక్స్‌పీరియన్స్‌ పొందాలి.

Nag Ashwin | ‘కల్కి 2898 ఏడీ’ ఓ గొప్ప సినిమాటిక్‌ ఎక్స్‌పీరియన్స్‌ ఇచ్చిందని అందరూ అంటున్నారు. నాలాంటి మేకర్స్‌ ముఖ్య ఉద్దేశం కూడా అదే. థియేటర్స్‌కి వెళ్లిన ఆడియన్స్‌ సినిమాటిక్‌ ఎక్స్‌పీరియన్స్‌ పొందాలి. ‘కల్కి’ లాంటి సినిమాను తీసినందుకు దర్శకుడిగా గర్విస్తున్నాను. అమితాబ్‌, కమల్‌హాసన్‌, ప్రభాస్‌, దీపిక పదుకొనే వంటి సూపర్‌స్టార్స్‌ని డైరెక్ట్‌ చేయడం నా అదృష్టం’ అంటూ ఆనందం వ్యక్తం చేశారు దర్శకుడు నాగఅశ్విన్‌. ఆయన దర్శకుడిగా గత నెల 27న విడుదలైన ‘కల్కి 2898ఏడీ’ ప్రపంచవ్యాప్తంగా వసూళ్ల సునామీని సృష్టిస్తున్నది. ఈ సందర్భంగా హైదరాబాద్‌ శివారులో ఉన్న శంకరపల్లిలోని ‘కల్కి సెట్స్‌లో దర్శకుడు నాగ్‌అశ్విన్‌ విలేకరులతో ముచ్చటించారు.

• తెలుగు సినిమా అంటే గుర్తొచ్చేది ‘మాయాబజార్‌’. అది మహాభారతానికి అడాప్టేషన్‌. నిజానికి భారతంలో ఆ కథ లేదు. అదొక క్రియేటివ్‌ ఫిక్షన్‌. ఆ ప్రేరణతోనే ‘కల్కి’ తీశాను. ఈ సినిమా ద్వారా మహాభారతంలోని ఒరిజినల్‌ హీరోల గురించి పిల్లలు తెలుసుకుంటారనే ఉద్దేశం కూడా ఈ కథ రాసుకోవడానికి ఓ కారణం. మన కథలనే ప్రేరణగా తీసుకొని మరీ డార్క్‌గా కాకుండా అందరికీ అర్థమయ్యేలా లైట్‌ హార్టెడ్‌గా తీయడం జరిగింది.
• ముందుగా ఒక సినిమానే అనుకున్నా. కానీ కొన్ని షెడ్యూల్స్‌ అయ్యాక ఈ కథను రెండు గంటల్లో చెప్పలేం అనిపించింది. అందుకే పార్టులుగా చేయాలని నిర్ణయించాం. పార్ట్‌- 2కి సంబంధించి 20రోజుల షూటింగ్‌ పూర్తయింది. ఇంకా యాక్షన్‌, బ్యాక్‌ స్టోరీస్‌ ఇలా చాలా చేయాలి, మరో కొత్త ప్రపంచాన్ని చూపించాలి. నేను ఇంత భారీ సినిమా తీశానంటే కారణం నా నిర్మాతలే. కథకు న్యాయం చేయడానికి ఎంత ఖర్చుకైనా వారు వెనకాడలేదు. అమితాబ్‌, కమల్‌, ప్రభాస్‌, దీపికా లాంటి స్టార్స్‌ ఇందులో చేశారంటే కారణం అదే.
• కల్కి ఓ భారీ ప్రయోగం. ముందుముందు ఈ కథలో చాలా పాత్రలు వస్తాయి. తొలి పార్ట్‌లో పాత్రలు, వాటి శక్తియుక్తులు అందరికీ తెలిసిపోయాయి. ఇకపై ఇంకా ఫన్‌గా ఉంటుంది. ప్రభాస్‌ క్యారెక్టర్‌ సెకండ్‌ పార్ట్‌లో హైలైట్‌గా ఉంటుందని చెప్పగలను. అలాగే అమితాబ్‌, కమల్‌ పాత్రలు నెక్ట్స్‌ లెవల్లో ఉంటాయి. ఇందులో చివరికి యాస్కిన్‌ ఫిలాసఫీ ప్రపంచానికి తెలియజెప్పడానికే శ్రీశ్రీగారి మహాప్రస్థానంలోని లైన్స్‌ చెప్పించాం. అవి బాగా సెట్‌ అయ్యాయి.
• కల్కి సెకండ్‌పార్ట్‌ చాలా మ్యాసీవ్‌గా ప్లాన్‌ చేస్తున్నాం. కర్ణుడి పాత్ర గురించి వచ్చేవన్నీ అర్థరహితమైన విమర్శలే. కర్ణుడి పాత్ర చాలా పాజిటీవ్‌. దేశంలో ఆ పాత్రను ప్రేమించేవారు అధికంగా ఉన్నారు. ‘కల్కి’ని రెండోసారి చూస్తేగానీ, కర్ణుడి పాత్ర గురించి క్లారిటీ రాదు. సెకండ్‌టైమ్‌ వర్త్‌ వాచ్‌ మూవీ ఇది.
• 50 ఏళ్ల వైజయంతీ సంస్థలో ఇది వన్‌ ఆఫ్‌ది మోస్ట్‌ ఎక్స్‌పెన్సీవ్‌ ఫిల్మ్‌. ఈ సినిమా ఇంతటి గొప్ప సక్సెస్‌ సాధించడంతో పాటు పెట్టిన పెట్టుబడి మొత్తం తిరిగి రావడంతో కొండంత భారం దిగినట్టనిపించింది. వైజయంతీలో పనిచేసిన అందరూ దాదాపుగా ఇందులో నటించారు. నాని, నవీన్‌ పొలిశెట్టి తప్ప. డెఫినెట్‌గా నెక్ట్స్‌ పార్ట్‌లో ఎక్కడ ఛాన్స్‌ దొరికితే అక్కడ వాళ్లని పెట్టేస్తాను.(నవ్వుతూ). అలాగే భారతీయ సినిమా నడకను మార్చిన దర్శకులు ఆర్జీవీ, రాజమౌళి. వీరిద్దర్నీ డైరెక్ట్‌ చేయడం గొప్ప అనుభూతి. అర్జీవీగారిని చేయమని అడినప్పుడు.. ‘నేనెందుకు?’ అనడిగారు. ‘కలియుగంలో మీరుండాలి’ అని చెప్పాను.( నవ్వుతూ).