Visit:
Manchu Lakshmi | టాలీవుడ్ నటిగా, నిర్మాతగా పేరు తెచ్చుకున్న మంచు లక్ష్మికి సీనియర్ జర్నలిస్ట్ క్షమాపణలు చెప్ప‌డంతో వివాదానికి తెర‌ప‌డింది. ‘దక్ష – ది డెడ్‌లీ కాన్స్పిరసీ’ చిత్ర ప్రమోషన్‌లో భాగంగా ఆమెకు జరిగిన అవ‌మానం గురించి గ‌త కొద్ది రోజులుగా సోషల్ మీడియాలో చర్చ నడుస్తోంది. తాజాగా ఈ వివాదం ముగిసింది. ఆమెకు అనుచిత ప్రశ్నలు వేసిన సీనియర్ జర్నలిస్ట్ వీఎస్ఎన్ మూర్తి బేషరతుగా క్షమాపణలు చెప్పారు. ఓ ఇంటర్వ్యూలో మంచు లక్ష్మిని “50 ఏళ్ల వయసు దాటి ఇలాంటి డ్రెస్సులు ఎందుకు వేసుకుంటున్నారు?” అంటూ ప్రశ్నించిన మూర్తిపై మంచు లక్ష్మి తీవ్రంగా స్పందించారు.
ఇది ఏ జర్నలిస్ట్ అడగాల్సిన ప్రశ్న కాదు. మహేశ్‌బాబును ఇలా అడుగుతారా?” అంటూ ఘాటుగా సమాధానం ఇచ్చారు. అంతేకాకుండా ఫిల్మ్ ఛాంబర్‌కు ఫిర్యాదు చేసి, చర్యలు తీసుకోవాలని డిమాండ్ చేశారు. క్షమాపణలు చెప్పేవరకు వదిలిపెట్టబోనని కూడా తేల్చిచెప్పారు. మూడు వారాల తర్వాత చివరకు వీఎస్ఎన్ మూర్తి ఓ వీడియో ద్వారా క్షమాపణలు తెలిపారు. “నా ప్రశ్న వల్ల మంచు లక్ష్మికి బాధ కలిగిందని తెలిసింది. యూనియన్ నుంచి నోటీసు వచ్చింది. ఈ వివాదం ఇక్కడితో ముగిసిపోవాలని కోరుకుంటున్నాను” అని ఆయన పేర్కొన్నారు. అదేగాక ఓ ప్రెస్ నోట్ ద్వారా కూడా క్షమాపణలు ప్రకటించారు.
ఈ అంశంపై మంచు లక్ష్మి ఎక్స్ (ట్విట్టర్) వేదికగా స్పందించారు.ఈ ఒక్క క్షమాపణ కోసం నాకు మూడు వారాల సమయం పట్టింది. కానీ నేనెప్పుడూ మౌనంగా ఉండలేదు. నా కోసం నేను నిలబడకపోతే, ఇంకెవరూ నిలబడరు. నన్ను బాధించిన ఈ అనుభవం, మిగతా మహిళల కోసం గొంతు కలపాల్సిన అవసరం గుర్తు చేసింది. నిజాయితీతో మాట్లాడే జర్నలిస్టుల పట్ల నాకు గౌరవం ఉంది. కానీ ఆ వృత్తిని ఉపయోగించి వ్యక్తిగత దూషణ చేయడం బాధాకరం. ఇలాంటి చిన్న చిన్న ప్రతిఘటనలు మహిళల స్వరం మౌనంగా మారకుండా చూసే మార్గం. నేడు నేను మాట్లాడగలుగుతున్నా అంటే, నన్ను మించి ధైర్యంగా ముందుకెళ్లిన మహిళల వల్లే. ఇప్పుడు ఈ విషయం గౌరవంగా, ప్ర‌శాంతంగా ముగిసింది. ముందుకు నడవాల్సిన సమయం వచ్చింది,” అంటూ తన భావోద్వేగాలను పంచుకున్నారు. ఈ వివాదంలో చాలా మంది నెటిజన్లు, సినీ ప్రేమికులు మంచు లక్ష్మికి మద్దతుగా నిలిచారు.
It took me three weeks to receive an apology from this individual. I refused to stay silent because I believe that if I don’t stand up for myself, no one else will. This experience deeply hurt me all I sought was a sincere apology and accountability.
These small acts of… pic.twitter.com/uUhKMS8EGM
— Manchu Lakshmi Prasanna (@LakshmiManchu) October 10, 2025
