Ramayana | ‘రామాయణ’కు పైరసీ భయం.. కీలక ఆదేశాలు జారీ చేసిన ముంబై హైకోర్టు!

Ramayana | భారతీయ సినీ ప్రేక్షకులు ఎంతో ఆసక్తిగా ఎదురుచూస్తున్న భారీ చిత్రం ‘రామాయణ’. బాలీవుడ్ స్టార్ రణ్‌బీర్ కపూర్ రాముడిగా, సాయిపల్లవి సీతగా నటిస్తున్న ఈ చిత్రానికి నితీశ్ తివారీ దర్శకత్వం వహిస్తున్నారు. అత్యంత భారీ బడ్జెట్‌తో, అంతర్జాతీయ స్థాయి సాంకేతిక ప్రమాణాలతో రూపొందుతున్న ఈ సినిమాను రెండు భాగాలుగా ప్రేక్షకుల ముందుకు తీసుకురానున్నారు.

Ramayana | భారతీయ సినీ ప్రేక్షకులు ఎంతో ఆసక్తిగా ఎదురుచూస్తున్న భారీ చిత్రం ‘రామాయణ’. బాలీవుడ్ స్టార్ రణ్‌బీర్ కపూర్ రాముడిగా, సాయిపల్లవి సీతగా నటిస్తున్న ఈ చిత్రానికి నితీశ్ తివారీ దర్శకత్వం వహిస్తున్నారు. అత్యంత భారీ బడ్జెట్‌తో, అంతర్జాతీయ స్థాయి సాంకేతిక ప్రమాణాలతో రూపొందుతున్న ఈ సినిమాను రెండు భాగాలుగా ప్రేక్షకుల ముందుకు తీసుకురానున్నారు. తొలి భాగాన్ని దీపావళి కానుకగా విడుదల చేసేందుకు చిత్ర బృందం సిద్ధమవుతోంది. ఈ నేపథ్యంలో సినిమాకు సంబంధించిన దృశ్యాలు, వీడియో క్లిప్పులు బయటకు రాకుండా నిర్మాతలు ప్రత్యేక చర్యలు చేపట్టారు. భారీ బడ్జెట్‌తో తెరకెక్కుతున్న సినిమాలకు పైరసీ పెద్ద సమస్యగా మారుతోంది. థియేటర్లలో విడుదలకు ముందే సినిమా దృశ్యాలు, పాటలు, కీలక సన్నివేశాలు సామాజిక మాధ్యమాల్లో లీక్ అయితే చిత్ర బృందానికి నష్టం కలిగే అవకాశం ఉంటుంది. ఈ సమస్యను ముందుగానే అడ్డుకునేందుకు ‘రామాయణ’ నిర్మాతలు న్యాయపరమైన చర్యలు చేపట్టారు.

ఈ క్రమంలో ముంబై హైకోర్టు సినిమా పైరసీ, అనధికారిక వీడియో క్లిప్పుల ప్రచారాన్ని అడ్డుకునేందుకు ప్రత్యేకంగా డైనమిక్ ఇంజంక్షన్ ఉత్తర్వులు జారీ చేసినట్లు తెలుస్తోంది. సినిమా పేరుతో అనధికారికంగా లింకులు, వీడియోలు, క్లిప్పులు అప్‌లోడ్ చేసే వెబ్‌సైట్లు, ఇతర వేదికలపై చర్యలు తీసుకునేందుకు ఈ ఉత్తర్వులు ఉపయోగపడనున్నాయి. డిసెంబర్ మధ్య వరకు ‘రామాయణ’కు సంబంధించిన పైరసీ లింకులు, అనధికారిక కంటెంట్ వ్యాప్తిని నియంత్రించేందుకు ఈ ఆదేశాలు తోడ్పడనున్నాయి. భారీ పెట్టుబడితో రూపొందుతున్న సినిమాను పైరసీ నుంచి రక్షించుకోవడంలో నిర్మాతలు తీసుకున్న ఈ చర్యకు ప్రాధాన్యత ఏర్పడింది.

నితీశ్ తివారీ దర్శకత్వంలో తెరకెక్కుతున్న ‘రామాయణ’లో రణ్‌బీర్ కపూర్ రాముడిగా, సాయిపల్లవి సీతగా కనిపించనున్నారు. కన్నడ స్టార్ యష్ రావణుడి పాత్ర పోషిస్తున్నారు. ఈ ముగ్గురు ప్రముఖ నటులు ఒకే చిత్రంలో భాగం కావడంతో మొదటి నుంచే ఈ ప్రాజెక్ట్‌పై భారీ అంచనాలు నెలకొన్నాయి. ఈ సినిమాకు ఆస్కార్ అవార్డు గ్రహీత ఏఆర్ రెహమాన్‌తో పాటు ప్రముఖ హాలీవుడ్ సంగీత దర్శకుడు హన్స్ జిమ్మర్ సంగీతం అందిస్తున్నారు. భారతీయ పురాణ గాథను ప్రపంచ ప్రేక్షకులకు చేరువ చేసేలా భారీ సాంకేతిక హంగులతో చిత్రాన్ని రూపొందిస్తున్నారు. నమిత్ మల్హోత్రా నిర్మాణ బాధ్యతలు చేపట్టగా, యష్ కూడా నిర్మాణంలో భాగస్వామిగా ఉన్నారు..