Glenn Maxwell: అంత‌ర్జాతీయ క్రికెట్‌కు గ్లెన్ మ్యాక్స్‌వెల్ గుడ్‌బై.. 14 ఏళ్ల సుదీర్ఘ కెరీర్‌కు ముగింపు

Glenn Maxwell: ఆస్ట్రేలియా ఆల్‌రౌండ‌ర్ గ్లెన్ మ్యాక్స్‌వెల్‌.. అంత‌ర్జాతీయ క్రికెట్‌కు గుడ్‌బై చెప్పారు. 14 ఏళ్లు సుదీర్ఘ క్రికెట్ కెరీర్‌కు అత‌ను ముగింపు ప‌లికారు. వాస్త‌వానికి 2025లో వ‌న్డే క్రికెట్‌కు మ్యాక్స్‌వెల్ రిటైర్మెంట్ ప్ర‌క‌టించాడు. కానీ టీ20 జ‌ట్టుకు అందుబాటులో ఉన్నాడు.

సిడ్నీ: ఆస్ట్రేలియా ఆల్‌రౌండ‌ర్ గ్లెన్ మ్యాక్స్‌వెల్‌(Glenn Maxwell).. అంత‌ర్జాతీయ క్రికెట్‌కు గుడ్‌బై చెప్పారు. 14 ఏళ్లు సుదీర్ఘ క్రికెట్ కెరీర్‌కు అత‌ను ముగింపు ప‌లికారు. 38 ఏళ్ల ఆ క్రికెట‌ర్ చివ‌రిసారి 2026 టీ20 వ‌ర‌ల్డ్‌క‌ప్‌లో ఒమ‌న్‌తో జ‌రిగిన మ్యాచ్‌లో ఆడాడు. ఆ మ్యాచ్‌లో అత‌ను రెండు వికెట్లు తీశాడు. కానీ బ్యాటింగ్ చేయ‌లేదు. ఆస్ట్రేలియా త‌ర‌పున మెక్స్‌వెల్ మొత్తం 149 వ‌న్డేలు, 130 టీ20లు, ఏడు టెస్టు మ్యాచ్‌లు ఆడాడు. 2015, 2023లో వ‌న్డే వ‌ర‌ల్డ్‌క‌ప్ గెలిచిన ఆస్ట్రేలియా బృందంలో అత‌ను ఉన్నాడు.

ఆస్ట్రేలియా జ‌ట్టులో చాన్నాళ్లు కీల‌క ప్లేయ‌ర్‌గా మ్యాక్స్‌వెల్ కొన‌సాగాడు. విధ్వంస‌క‌ర బ్యాటింగ్‌తో అత‌ను ప్ర‌త్యేక‌త‌ను సంత‌రించుకున్నాడు. 2023 వ‌న్డే వ‌ర‌ల్డ్‌క‌ప్‌లో అత‌ను ఆఫ్ఘ‌నిస్తాన్‌పై డ‌బుల్ సెంచ‌రీ చేశాడు. వ‌న్డేల్లో 3990 ర‌న్స్ చేశాడు. వాటిల్లో స్ట్ర‌యిక్ రేట్ 126.7గా ఉంది. ఇక టీ20ల్లో 2897 ర‌న్స్ చేశాడు. అంత‌ర్జాతీయ క్రికెట్‌లో మ్యాక్స్‌వెల్ ఖాతాలో మొత్తం 10 సెంచ‌రీల ఉన్నాయి. మూడు ఫార్మాట్ల‌లో క‌లిపి అత‌ను 136 వికెట్లు తీసుకున్నాడు.

వాస్త‌వానికి 2025లో వ‌న్డే క్రికెట్‌కు మ్యాక్స్‌వెల్ రిటైర్మెంట్ ప్ర‌క‌టించాడు. కానీ టీ20 జ‌ట్టుకు అందుబాటులో ఉన్నాడు. 2026 టీ20 వ‌ర‌ల్డ్‌క‌ప్‌లో అత‌ను ఆడాడు. టీ20ల్లో మ్యాక్స్‌వెల్ పేరిట అయిదు సెంచ‌రీలు ఉన్నాయి. బీబీఎల్‌లో మెల్‌బోర్న్ స్టార్స్‌కు మ‌రో సీజ‌న్ ఆడ‌నున్నాడు.