Mission: Impossible | హాలీవుడ్ స్టార్ నటులు టామ్ క్రూజ్ (Tom Cruise), హైలీ యాట్వెల్ (Hayley Atwell) ప్రధాన పాత్రల్లో నటించిన రీసెంట్ బ్లాక్ బస్టర్ మిషన్ ఇంపాజిబుల్: డెడ్ రెకొనింగ్ (Mission: Impossible – The Dead Reckoning Part I). క్రిస్టోఫర్ మెక్ క్వారీ (Christopher McQuarrie) ఈ సినిమాకు దర్శకత్వం వహించాడు. ఇక ఇప్పటివరకు మిషన్ ఇంపాజిబుల్ సిరీస్ నుంచి 6 సినిమాలు రాగా చివరి సినిమాను రెండు పార్టులుగా విడుదల చేయనున్నారు. అయితే ఇందులో మొదటి భాగం డెడ్ రెకొనింగ్ (పార్ట్-1) జులై 12న విడుదల కాగా బాక్సాఫీస్ వద్ద కాసుల వర్షం కురిపించింది. ప్రపంచవ్యాప్తంగా ఏకంగా రూ.4600 కోట్లకు పైగా వసూళ్లు రాబట్టింది. ఇదిలావుంటే తాజాగా ఈ చిత్రం ఓటీటీ లాక్ చేసుకుంది.
ప్రముఖ ఓటీటీ ప్లాట్ఫామ్ అమెజాన్ ప్రైమ్లో జనవరి 11 నుంచి స్ట్రీమింగ్ కానుంది. ఈ విషయాన్ని ప్రైమ్ సోషల్ మీడియాలో వెల్లడించింది. సైమన్ పెగ్, రెబెక్కా, హెన్రీ చెర్నీ, వనేసా కొర్బీ, పోమ్, ఇసై మోరల్స్ తదితరులు ఈ సినిమాలో కీలక పాత్రల్లో నటించగా టామ్ క్రూజ్, క్రిస్టోఫర్ మెక్ క్వారీ ఈ సినిమాను నిర్మించారు.
hold tight, the stakes have never been higher ⚠️
it’s time for Mission: Impossible – The Dead Reckoning Part I ✈️#MI7OnPrime, Jan 11 pic.twitter.com/FPzlJF0IrM
— prime video IN (@PrimeVideoIN) January 4, 2024
ఈ సినిమా కథ విషయానికి వస్తే.. సముద్రంలో ఉన్న ఓ సబ్ మెరైన్ అనూహ్య రీతిలో మునిగిపోతుంది. అయితే అందులో ఆర్టిఫీషియల్ ఇంటిలిజెన్స్ (AI) ‘ది ఎంటిటీ’ సోర్స్ కోడ్ ఉంటుంది. కానీ దీనిని కంట్రోల్ చేయలంటే ‘కీ’ కావాలి. ఆ ‘కీ’ చేతికి చిక్కితే ప్రపంచాన్ని రూల్ చేయవచ్చని శత్రువులు ప్రయత్నిస్తుంటారు. ఈ క్రమంలోనే ఆ ‘కీ’ ని శత్రువుల చేతికి చిక్కకుండా ప్రపంచాన్ని కాపాడే బాధ్యత ఈథన్ హంట్ (టామ్ క్రూజ్)కు వస్తుంది. (ఈథన్ హంట్ ఇంపాజిబుల్ మిషన్ ఫోర్స్(IMF)లో అత్యంత నైపుణ్యం కలిగిన ఏజెంట్). అయితే ఈథన్ హంట్ తన టీమ్తో కలిసి ‘కీ’ కోసం చేసిన సాహసం ఏంటి? ఈ క్రమంలో అతడికి ఎలాంటి సవాళ్లు ఎదురయ్యాయి. కంటికి కనిపించని శత్రువులను ఈథన్ హంట్ ఎలా ఎదుర్కోన్నాడు. అనేది తెలియాలంటే ఈ సినిమా చూడాల్సిందే.