junior chiru name | చిరంజీవి సర్జా కొడుకు పేరు బయటపెట్టిన మేఘనా రాజ్

September 3, 2021 / 10:00 PM IST

junior chiru name | కన్నడ ఇండస్ట్రీలో తనకంటూ ప్రత్యేక గుర్తింపు సంపాదించుకుని.. స్టార్ హీరోగా ఎదుగుతున్న సమయంలోనే అనూహ్యంగా గుండెపోటుతో మరణించిన కథానాయకుడు చిరంజీవి సర్జా. యాక్షన్ కింగ్ అర్జున్ మేనల్లుడు అయిన చిరంజీవి స‌ర్జా.. 2020 జూన్ 7న కేవలం 35 ఏళ్ల వయసులో హార్ట్ ఎటాక్‌తో హఠాన్మరణం చెందాడు. ఈయన మరణం అప్పట్లో ఓ సంచలనం. చిరంజీవి స‌ర్జా చనిపోయే సమయానికి ఆయ‌న‌ భార్య మేఘనా రాజ్ గర్భంతో ఉండటం అందరినీ మరింత కన్నీళ్లు పెట్టించింది.

చిరు సర్జా చనిపోయిన ఐదు నెలల తర్వాత మేఘనా రాజ్ పండంటి మగబిడ్డకు జన్మనిచ్చింది. దాంతో జూనియర్ చిరంజీవి మళ్లీ వచ్చేశాడు అంటూ అభిమానులు పండగ చేసుకున్నారు. అన్నయ్య కొడుకుకు 14 లక్షలతో బంగారు ఉయ్యాల బహుమతిగా ఇచ్చాడు బాబాయ్, పొగరు హీరో ధ్రువ సర్జా. ఈ బాబు పుట్టి దాదాపు ఏడాది గడుస్తున్నా ఇప్పటి వరకు పేరు ప్రకటించలేదు సర్జా ఫ్యామిలీ. తాజాగా తమ వారసుడి పేరు సోషల్ మీడియాలో అధికారికంగా అనౌన్స్ చేసింది మేఘనా రాజ్. చిరంజీవి సర్జా కుమారుడి పేరు రాయన్ రాజ్ సర్జా అంటూ ప్రకటించింది మేఘన. అంతే కాదు ఈ చిన్నోడిని జూనియర్ చిరంజీవి అని అభిమానులు పిలుచుకుంటున్నారు.

https://www.instagram.com/tv/CTWRPwiJLVo/?utm_source=ig_web_copy_link

మేఘన పోస్ట్ చేసిన ఈ వీడియో సోషల్ మీడియాలో వైరల్ అవుతుంది. మేఘనా రాజ్ తెలుగులోనూ ప‌లు సినిమాల్లో నటించింది. అల్లరి నరేష్ హీరోగా వచ్చిన బెండు అప్పారావు.. శ్రీకాంత్ లక్కీ సినిమాలో హీరోయిన్‌గా నటించింది మేఘన. ఆ తర్వాత కన్నడలో వరస సినిమాలు చేసింది. తన భర్త చిరంజీవి సర్జాతో ఆటగారా, రామ్ లీలా సినిమాల్లో నటించింది. ఆ సమయంలోనే ప్రేమలో పడి పెళ్లి చేసుకున్నారు ఈ జంట. కానీ పెళ్లయిన మూడేళ్లకే చిరంజీవి సర్జా మరణించడంతో మేఘనా రాజ్ షాక్‌లోకి వెళ్లిపోయింది. కొడుకు పుట్టిన తర్వాత మళ్లీ ఆ బాబులోనే తన భర్తను చూసుకుంటుంది మేఘన.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి