చిరంజీవికి పూరీ జగన్నాథ్ ఇప్పుడు గుర్తుకొచ్చాడా..?

October 5, 2021 / 04:25 PM IST

మెగాస్టార్ చిరంజీవి | పూరీ జగన్నాథ్ | puri jagannadh | megastar chiranjeevi | గాడ్‌ ఫాదర్‌ | ఆటో జానీ — puri jagannadh and mega star chiranjeevi

మెగాస్టార్ చిరంజీవి ( mega star chiranjeevi )తో సెన్సేషనల్ డైరెక్టర్ పూరీ జగన్నాథ్ ( puri jagannadh ) సినిమా చేస్తే చూడాలని అభిమానులు చాలా కాలంగా వేచి చూస్తున్నారు. ఈ కాంబినేషన్ కలిసినట్టే కలిసి చాలాసార్లు దూరం అయిపోయింది. నిజానికి చాలా సంవత్సరాల కిందట చిరంజీవికి ఒక కథ చెప్పాడు. అప్పట్లో ఆ సినిమా కథ నచ్చినా.. అనివార్య కారణాలతో ఆగిపోయింది. ఆ తర్వాత 150వ సినిమాను పూరీ జగన్నాథ్ తెరకెక్కిస్తున్నారు అంటూ అప్పట్లో రామ్ చరణ్ అధికారికంగా ప్రకటించాడు. దానికి ఆటో జానీ అనే టైటిల్ కూడా కన్ఫర్మ్ చేశారు. కానీ ఆటో జానీ సెకండాఫ్ కథ నచ్చకపోవడంతో మెగాస్టార్ చిరంజీవి సినిమా నుంచి తప్పుకున్నాడు.

అప్పటి నుంచి చిరంజీవి కోసం ప్రయత్నిస్తూనే ఉన్నాడు పూరీ జగన్నాథ్. ఎప్పుడు వీలైతే అప్పుడు ఆయనతో సినిమా చేయడానికి సై అంటున్నాడు. ఇదిలా ఉంటే తాజాగా చిరంజీవి హీరోగా నటిస్తున్న ఓ సినిమాకి పూరీ జగన్నాథ్ స్క్రిప్టులో సాయం చేస్తున్నట్లు ప్రచారం జరుగుతోంది. ప్రస్తుతం మెగాస్టార్ నాలుగు సినిమాలతో బిజీగా ఉన్నాడు. అందులో గాడ్‌ ఫాదర్‌ ప్రస్తుతం సెట్స్‌పై ఉంది. మోహన్ రాజా ఈ సినిమాకు దర్శకుడు. మలయాళంలో సూపర్ హిట్ అయినా లూసిఫర్ సినిమా తెలుగు రీమేక్ ఇది. గాడ్‌ ఫాదర్‌ సినిమా స్క్రిప్ట్ లో పూరి జగన్నాథ్ తనదైన మార్పులు చేసినట్లు వార్తలు వినిపిస్తున్నాయి. హీరో ఇంట్రడక్షన్‌తో పాటు మరికొన్ని సన్నివేశాల్లో కూడా మాస్ ఎలివేషన్స్ కోసం పూరీ సాయం తీసుకుంటున్నాడు దర్శకుడు మోహన్ రాజా.

చిరంజీవి కోరిక మేరకు పూరీ ఈ సినిమాకు స్క్రిప్ట్ వర్క్‌లో హెల్ప్ చేసినట్లు తెలుస్తోంది. పూరీ చేయి పడితే ఆ సన్నివేశాలు ఎలా ఉంటాయో ప్రత్యేకంగా చెప్పాల్సిన అవసరం లేదు. అది తెలుసు కాబట్టే చిరంజీవి ఈయన సాయం కోరినట్లు ప్రచారం జరుగుతోంది. ఏదేమైనా కనీసం ఇలాగైనా చిరంజీవి పూరీ జగన్నాథ్ కలిసినందుకు హ్యాపీగా ఫీల్ అవుతున్నారు మెగా అభిమానులు. 2022 సమ్మర్ కానుకగా గాడ్ ఫాదర్ విడుదల కానుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి