పెద్ది పోరాటాలు

మెగా అభిమానులు ఎప్పుడెప్పుడా అని ఎదురు చూస్తున్న రూరల్‌ యాక్షన్‌ పాన్‌ ఇండియా ఎంటర్‌టైనర్‌ ‘పెద్ది’. రామ్‌చరణ్‌ కెరీర్‌లోనే మెమొరబుల్‌ మూవీగా ఈ సినిమాను మలిచే పనిలో నిమగ్నమై ఉన్నారు దర్శకుడు బుచ్చిబాబు సానా. ప్రస్తుతం ఈ సినిమా షూటింగ్‌ శరవేగంతో జరుగుతోంది. హైదరాబాద్‌లో వేసిన భారీ సెట్‌లో యాక్షన్‌ సీక్వెన్స్‌ను చిత్రీకరిస్తున్నారు.

మెగా అభిమానులు ఎప్పుడెప్పుడా అని ఎదురు చూస్తున్న రూరల్‌ యాక్షన్‌ పాన్‌ ఇండియా ఎంటర్‌టైనర్‌ ‘పెద్ది’. రామ్‌చరణ్‌ కెరీర్‌లోనే మెమొరబుల్‌ మూవీగా ఈ సినిమాను మలిచే పనిలో నిమగ్నమై ఉన్నారు దర్శకుడు బుచ్చిబాబు సానా. ప్రస్తుతం ఈ సినిమా షూటింగ్‌ శరవేగంతో జరుగుతోంది. హైదరాబాద్‌లో వేసిన భారీ సెట్‌లో యాక్షన్‌ సీక్వెన్స్‌ను చిత్రీకరిస్తున్నారు. బాలీవుడ్‌ స్టంట్‌ కొరియోగ్రాఫర్‌ షామ్‌ కౌశల్‌(దంగల్‌ ఫేమ్‌) నేతృత్వంలో జరుగుతున్న ఈ ఫైట్‌ సీక్వెన్స్‌లో రామ్‌చరణ్‌తోపాటు కన్నడ సూపర్‌స్టార్‌ శివరాజ్‌కుమార్‌ కూడా పాల్గొంటున్నారు.

ఈ ఎపిసోడ్‌ థియేటర్‌లో విజువల్‌ ఫీస్ట్‌గా నిలుస్తుందని మేకర్స్‌ చెబుతున్నారు. జాన్వీకపూర్‌ కథానాయికగా నటిస్తున్న ఈ చిత్రం వచ్చే ఏడాది మార్చి 27న విడుదల కానుంది. ఈ చిత్రానికి సంగీతం: ఏ.ఆర్‌.రెహమాన్‌, నిర్మాతలు: వెంకటసతీశ్‌ కిలారు, ఇషాన్‌ సక్సేనా, సమర్పణ: మైత్రీమూవీమేకర్స్‌, సుకుమార్‌ రైటింగ్స్‌, నిర్మాణం: వృద్ధి సినిమాస్‌.