Mega 158 | మెగా 158 రూమర్లకు ఫుల్ స్టాప్.. చిరంజీవి–బాబీ కోసం భారీ ప్లాన్స్ రెడీ!

Mega 158 | మెగాస్టార్ చిరంజీవి, దర్శకుడు బాబీ కాంబినేషన్‌లో తెరకెక్కుతున్న ‘మెగా 158’ సినిమాపై వస్తున్న పుకార్లకు చిత్ర యూనిట్ గట్టి సమాధానం ఇచ్చింది. నిర్మాత మారుతున్నారనే వార్తలను పూర్తిగా ఖండిస్తూ, ఈ ప్రాజెక్ట్‌ను వెంకట్ కె. నారాయణ తన బ్యానర్‌లోనే నిర్మిస్తున్నారని స్పష్టం చేసింది.

Mega 158 | మెగాస్టార్ చిరంజీవి, దర్శకుడు బాబీ కాంబినేషన్‌లో తెరకెక్కుతున్న ‘మెగా 158’ సినిమాపై వస్తున్న పుకార్లకు చిత్ర యూనిట్ గట్టి సమాధానం ఇచ్చింది. నిర్మాత మారుతున్నారనే వార్తలను పూర్తిగా ఖండిస్తూ, ఈ ప్రాజెక్ట్‌ను వెంకట్ కె. నారాయణ తన బ్యానర్‌లోనే నిర్మిస్తున్నారని స్పష్టం చేసింది. దీంతో గత కొద్ది రోజులుగా సోషల్ మీడియాలో వైరల్ అయిన రూమర్లకు ఫుల్ స్టాప్ పడింది.ఇటీవల కె.వి.ఎన్ ప్రొడక్షన్స్ బ్యానర్‌లో తెరకెక్కుతున్న కొన్ని సినిమాలు వాయిదా పడటంతో ‘మెగా 158’పై కూడా అనుమానాలు మొదలయ్యాయి. ముఖ్యంగా ఈ ప్రాజెక్ట్ నుంచి నిర్మాత తప్పుకున్నారనే వార్తలు విస్తృతంగా ప్రచారం అయ్యాయి. అయితే చిత్ర బృందం ఈ విషయాలన్నింటినీ కొట్టిపారేస్తూ, తాము ఈ సినిమాపై పూర్తి కట్టుబాటుతో ఉన్నామని ప్రకటించింది. త్వరలోనే ముహూర్తం, షూటింగ్ వివరాలు వెల్లడిస్తామని హామీ ఇచ్చింది.

ప్రస్తుతం నిర్మాత వెంకట్ కె. నారాయణ తన బ్యానర్‌లో ఉన్న సినిమాలను క్రమబద్ధంగా ప్లాన్ చేస్తున్నట్లు తెలుస్తోంది. ‘జన నాయగణ్’ వంటి ప్రాజెక్ట్ సెన్సార్ సమస్యల కారణంగా ఆలస్యమవ్వగా, మరోవైపు యష్ హీరోగా రూపొందుతున్న ‘టాక్సిక్’ మూవీ కూడా వాయిదా పడింది. ఈ పరిణామాల వల్లే ‘Mega158’పై గందరగోళం ఏర్పడింది. అయితే ఇప్పుడు పరిస్థితులు స్పష్టమయ్యాయి. ఇక సినిమా కంటెంట్ విషయానికి వస్తే, ఈ చిత్రంలో చిరంజీవి పాత్ర ప్రత్యేక ఆకర్షణగా నిలవనుందని టాక్. ఆయన ఒక పవర్‌ఫుల్ గ్యాంగ్‌స్టర్‌గా కనిపించబోతున్నట్లు సమాచారం. గతంలో ‘వాల్తేరు వీరయ్య’లో చూపించిన మాస్ అవతార్ కంటే ఈ సినిమాలో మరింత పవర్‌ఫుల్ ఎలివేషన్స్ ఉంటాయని ఇండస్ట్రీ వర్గాలు చెబుతున్నాయి. మెగాస్టార్ బాడీ లాంగ్వేజ్‌కు తగ్గట్టుగా బాబీ అదిరిపోయే యాక్షన్ సీక్వెన్స్‌లు, డైలాగ్స్ సిద్ధం చేస్తున్నట్లు తెలుస్తోంది.

అదే సమయంలో, బాబీ స్టైల్‌కు తగ్గట్టుగా ఈ సినిమాలో మాస్ ఎలిమెంట్స్‌తో పాటు బలమైన ఎమోషన్ కూడా ఉండనుంది. ముఖ్యంగా తండ్రీ–కూతుళ్ల మధ్య సెంటిమెంట్ కథలో కీలకంగా మారి ప్రేక్షకులను కట్టిపడేస్తుందని యూనిట్ నమ్మకం వ్యక్తం చేస్తోంది. గ్యాంగ్‌స్టర్ డ్రామాతో పాటు భావోద్వేగాలు కలగలిసిన కథాంశం సినిమాకు హైలైట్ కానుంది. ప్రస్తుతం ఈ చిత్రం ప్రీ-ప్రొడక్షన్ పనులు చివరి దశలో ఉన్నాయని సమాచారం. త్వరలోనే రెగ్యులర్ షూటింగ్ ప్రారంభం కానుంది. సంక్రాంతి 2027ను లక్ష్యంగా పెట్టుకుని ఈ చిత్రాన్ని విడుదల చేసే యోచనలో ఉన్నారు. ‘వాల్తేరు వీరయ్య’ తర్వాత మరోసారి అదే కాంబినేషన్ రావడంతో అభిమానుల్లో అంచనాలు ఆకాశాన్ని తాకుతున్నాయి.