Teacher Rapes Girl | విద్యార్థినులకు లైంగిక వేధింపులు, ఒక బాలికపై అత్యాచారం.. ప్రభుత్వ టీచర్‌ అరెస్ట్‌

Teacher Rapes Girl | ప్రభుత్వ పాఠశాలకు చెందిన ఒక ఉపాధ్యాయుడు నలుగురు విద్యార్థినులను లైంగికంగా వేధించాడు. ఒక బాలికపై అత్యాచారానికి పాల్పడ్డాడు. ఈ ఆరోపణలపై పోలీసులు దర్యాప్తు చేశారు. నిందితుడైన ఆ టీచర్‌ను అరెస్ట్‌ చేశారు.

గాంధీనగర్‌: ప్రభుత్వ పాఠశాలకు చెందిన ఒక ఉపాధ్యాయుడు నలుగురు విద్యార్థినులను లైంగికంగా వేధించాడు. ఒక బాలికపై అత్యాచారానికి పాల్పడ్డాడు. ఈ ఆరోపణలపై పోలీసులు దర్యాప్తు చేశారు. నిందితుడైన ఆ టీచర్‌ను అరెస్ట్‌ చేశారు. (Teacher Rapes Girl) గుజరాత్‌లోని అమ్రేలి జిల్లాలో ఈ సంఘటన జరిగింది. ‘మిషన్ స్మైల్’లో భాగంగా జాఫరాబాద్ పోలీస్ స్టేషన్‌కు చెందిన మహిళా పోలీసులు ఆ జిల్లాలోని పలు ప్రభుత్వ పాఠశాలలను సందర్శించారు. ‘గుడ్‌ టచ్‌, బ్యాడ్‌ టచ్‌’పై బాలికలకు అవగాహన కల్పించారు.

కాగా, ఒక ప్రభుత్వ స్కూల్‌లో ఉపాధ్యాయుడి నుంచి లైంగిక వేధింపులు ఎదుర్కొంటున్న బాలికలు ధైర్యంగా ముందుకు వచ్చారు. అత్యాచారానికి గురైన బాధిత బాలిక ఈ విషయాన్ని తన కుటుంబ సభ్యులకు చెప్పింది. దీంతో వారు పోలీసులకు ఫిర్యాదు చేశారు. స్పందించిన పోలీసులు ఆ ప్రభుత్వ పాఠశాలకు చేరుకుని విచారణ జరిపారు.

మరోవైపు నిందితుడైన ఆ టీచర్‌, టీ తయారు చేయాలనే నెపంతో నలుగురు విద్యార్థినులను స్టాఫ్ రూమ్‌లోకి పిలిచి వారిని లైంగికంగా వేధించేవాడని పోలీసులు తెలుసుకున్నారు. వారిలో ఒక బాలికపై అతడు అత్యాచారానికి పాల్పడినట్లు తేలింది. ఈ నేపథ్యంలో ఆ ఉపాధ్యాయుడ్ని అరెస్ట్‌ చేసినట్లు పోలీస్‌ అధికారిణి తెలిపారు. ఆ నిందితుడిపై పోక్సో చట్టంతో పాటు పలు సెక్షన్ల కింద కేసు నమోదు చేసి దర్యాప్తు చేస్తున్నట్లు వివరించారు.