దక్ష.. ఓ ఘోరమైన కుట్ర

‘ఈ సినిమాకు పనిచేసిన ప్రతి ఒక్కరూ ప్రాణం పెట్టి పనిచేశారు. ఈ కథలో నాన్నగారి ఇమేజ్‌కు తగినట్టు పర్‌ఫెక్ట్‌ క్యారెక్టర్‌ ఉంది. అందుకే ఆయన్ను అడిగాం. సముద్రఖని, సిద్ధిక్‌, విశ్వంత్‌, చిత్రాశుక్లా ఇలా పాన్‌ ఇండియా వైజ్‌లో ప్రతి భాషకూ చెందిన నటులు ఇందులో ఉన్నారు.

‘ఈ సినిమాకు పనిచేసిన ప్రతి ఒక్కరూ ప్రాణం పెట్టి పనిచేశారు. ఈ కథలో నాన్నగారి ఇమేజ్‌కు తగినట్టు పర్‌ఫెక్ట్‌ క్యారెక్టర్‌ ఉంది. అందుకే ఆయన్ను అడిగాం. సముద్రఖని, సిద్ధిక్‌, విశ్వంత్‌, చిత్రాశుక్లా ఇలా పాన్‌ ఇండియా వైజ్‌లో ప్రతి భాషకూ చెందిన నటులు ఇందులో ఉన్నారు. ఈ సినిమా విషయంలో తమ్ముడు మనోజ్‌ సహకారం మరిచిపోలేను. అందరికీ నచ్చేలా ‘దక్ష’ సినిమా ఉంటుంది. అమితాబ్‌ ‘పీకూ’ లాంటి సినిమాను నాన్నగారితో చేయాలని ఉంది. త్వరలోనే ఆ కోరిక తీర్చుకుంటా.’ అన్నారు మంచు లక్ష్మీ ప్రసన్న. ఆమె ప్రధాన పాత్రలో నటించిన చిత్రం ‘దక్ష – ది డెడ్‌లీ కాన్‌స్పిరసీ’. డా.మో హన్‌బాబు కీలక పాత్ర పోషించారు. తండ్రీకూతుళ్లు మో హన్‌బాబు, మంచు లక్ష్మి కలిసి నటించిన తొలి సినిమా ఇదే కావడం విశేషం. వంశీకృష్ణ మల్లా దర్శకుడు.

శ్రీలక్ష్మిప్రసన్న పిక్చర్స్‌, మంచు ఎంటైర్టెన్మెంట్స్‌ కలిసి నిర్మించిన ఈ చిత్రం ఈ నెల 19న ప్రపంచవ్యాప్తంగా విడుదల కానుంది. ఈ సందర్భంగా ఏర్పాటు చేసిన ప్రీరిలీజ్‌ ప్రెస్‌మీట్‌లో మంచు లక్ష్మి మాట్లాడారు. అతిధిగా విచ్చేసిన మంచు మనోజ్‌ చిత్ర బృందానికి శుభాకాంక్షలు అందించారు. ఇదొక డిఫరెంట్‌ థ్రిల్లర్‌ అనీ, మైత్రీ మూవీమేకర్స్‌ ఈ చిత్రాన్ని విడుదల చేస్తున్నదని, ‘దక్ష’ అందరికీ నచ్చుతుందని దర్శకుడు వంశీకృష్ణ నమ్మకం వెలిబుచ్చారు. ఇంకా రంగస్థలం మహేశ్‌, జెమినీ సురేశ్‌ కూడా మాట్లాడారు. ఈ చిత్రానికి కెమెరా: గోకుల్‌ భారతి, సంగీతం: అచు రాజమణి.