Mamitha Baiju | మమితా బైజు అసలు పేరు నమితనా? బర్త్ సర్టిఫికెట్లో జరిగిన పొరపాటుతో పేరు ఎలా మారిందో తెలుసా?
Mamitha Baiju | సినిమా పరిశ్రమలో కొందరు నటీనటులు తమ సహజమైన నటనతో ప్రేక్షకుల మనసుల్లో ప్రత్యేక స్థానం సంపాదించుకుంటారు. అలాంటి వారిలో యువ నటి మమితా బైజు ఒకరు. ‘ప్రేమలు’ సినిమాతో తెలుగు ప్రేక్షకులకు కూడా దగ్గరైన ఈ మలయాళ భామ ప్రస్తుతం దక్షిణాది చిత్ర పరిశ్రమలో వరుస అవకాశాలతో దూసుకుపోతోంది.
Mamitha Baiju | సినిమా పరిశ్రమలో కొందరు నటీనటులు తమ సహజమైన నటనతో ప్రేక్షకుల మనసుల్లో ప్రత్యేక స్థానం సంపాదించుకుంటారు. అలాంటి వారిలో యువ నటి మమితా బైజు ఒకరు. ‘ప్రేమలు’ సినిమాతో తెలుగు ప్రేక్షకులకు కూడా దగ్గరైన ఈ మలయాళ భామ ప్రస్తుతం దక్షిణాది చిత్ర పరిశ్రమలో వరుస అవకాశాలతో దూసుకుపోతోంది. అయితే ఆమెకు మమితా అనే పేరు ఎలా వచ్చిందో తెలుసా? తన అసలు పేరు వెనుక ఉన్న ఆసక్తికరమైన విషయాన్ని తాజాగా ఓ ఇంటర్వ్యూలో స్వయంగా వెల్లడించింది. మమితా బైజు పుట్టినప్పుడు ఆమె తల్లిదండ్రులు ఎంతో ఇష్టంగా ‘నమిత’ అనే పేరును నిర్ణయించారట. అయితే జనన ధ్రువీకరణ పత్రం నమోదు చేసే సమయంలో జరిగిన చిన్న పొరపాటు కారణంగా నమిత పేరు కాస్తా మమితగా మారిపోయింది. ఈ విషయాన్ని కుటుంబ సభ్యులు వెంటనే గుర్తించలేకపోయారు. దాదాపు నాలుగైదేళ్ల తర్వాత పాఠశాలలో చేర్పించే సమయంలో ధ్రువీకరణ పత్రాలను పరిశీలించగా అసలు విషయం బయటపడిందట.
అప్పటికే అధికారిక పత్రాల్లో మమిత అనే పేరు నమోదై ఉండటంతో దాన్ని మార్చడం సాధ్యం కాలేదు. దీంతో తల్లిదండ్రులు మొదట అనుకున్న పేరుకు బదులుగా మమిత అనే పేరునే కొనసాగించాల్సి వచ్చింది. అలా ఒక చిన్న పొరపాటుతో ఆమె పేరు మారిపోయింది. ఇప్పుడు అదే పేరు సినీ ప్రేక్షకులకు ఎంతో పరిచయమైన పేరుగా మారింది. 2024లో విడుదలైన మలయాళ చిత్రం ‘ప్రేమలు’ మమితా బైజు కెరీర్ను మలుపు తిప్పింది. ఈ సినిమాలో ఆమె నటన, సహజమైన హావభావాలు యువతను విశేషంగా ఆకట్టుకున్నాయి. దీంతో ఒక్కసారిగా ఆమెకు దక్షిణాదిలో మంచి గుర్తింపు వచ్చింది. ఆ తర్వాత వరుస అవకాశాలు అందుకుంటూ తనకంటూ ప్రత్యేక అభిమాన గణాన్ని సంపాదించుకుంది.
‘డ్యూడ్’తో పాటు ‘జన నాయగన్’, ‘విశ్వనాథ్ అండ్ సన్స్’, ‘బెత్లెహెం కుటుంబ యూనిట్’ వంటి చిత్రాలతో తన కెరీర్ను మరింత విస్తరించుకుంది. ఆమె నటించిన ప్రముఖ చిత్రాల వసూళ్లు కలిపి వెయ్యి కోట్ల రూపాయల మార్కును దాటినట్లు కథనాలు పేర్కొంటున్నాయి. దీంతో మమితా బైజు బాక్సాఫీస్ వద్ద కూడా మంచి గుర్తింపు సంపాదించుకుంది. ప్రస్తుతం తమిళంలో ‘ఇరందు వానమ్’, మలయాళంలో ‘హలో డియర్’ వంటి చిత్రాలతో బిజీగా ఉంది. చిన్నప్పుడు బర్త్ సర్టిఫికెట్లో జరిగిన పొరపాటు వల్ల పేరు మారినా, అదే పేరుతో ఇప్పుడు సినీ పరిశ్రమలో ప్రత్యేక గుర్తింపు తెచ్చుకుంటోంది ఈ యువ నటి.
Read Today's Latest Cinema News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

