Visit:
Khushi Kapoor, Junaid Khan | దివంగత నటి శ్రీదేవి కుమార్తెలు ఇండస్ట్రీలో బిజీ అవుతున్నారు. ఇప్ప‌టికే పెద్ద కూతురు జాన్వీకపూర్ బాలీవుడ్‌తో పాటు టాలీవుడ్‌లో సినిమాలు చేస్తుంది. రీసెంట్‌గా దేవ‌ర‌తో హిట్ కూడా అందుకుంది. ఈ క్ర‌మంలోనే శ్రీదేవి చిన్న కూతురు ఖుషి కపూర్ కూడా వ‌రుస అవ‌కాశ‌ల‌తో బిజీ అవుతుంది. ‘ది ఆర్చిస్‌’ (the archies)తో నటిగా తెరంగేట్రం చేసిన ఖుషి కపూర్ ‘లవ్యాపా’(Loveyapa) అంటూ మ‌రో క్రేజీ సినిమాతో ప్రేక్ష‌కుల ముందుకు రాబోతుంది. ఆమిర్‌ఖాన్‌ తనయుడు జువైద్‌ ఖాన్ ఈ సినిమాలో హీరోగా న‌టిస్తుండ‌గా.. అద్వైత్ చందన్ ఈ సినిమాకు ద‌ర్శ‌క‌త్వం వ‌హిస్తున్నాడు.
త‌మిళంతో పాటు తెలుగులో సూప‌ర్ హిట్ అందుకున్న ల‌వ్ టుడే(Love Today) సినిమాకి ఈ చిత్రం రీమేక్‌గా వ‌స్తుంది. ఈ చిత్రం ఫిబ్ర‌వ‌రి 07న ప్రేక్ష‌కుల ముందుకు రానుండ‌గా.. ట్రైల‌ర్‌ను విడుద‌ల చేశారు మేక‌ర్స్. ఈ చిత్రాన్ని ఏజీఎస్‌ ఎంటర్‌టైనమెంట్ బ్యానర్‌పై కల్పతి ఎస్. అఘోరం, కల్పతి ఎస్. గణేష్‌, కల్పతి ఎస్. సురేష్‌తో పాటు ప్రోస్ట్ పాయ సృష్టి బెహల్, భావన తల్వార్, మధు మండేనా సంయుక్తంగా నిర్మిస్తుండ‌గా.. ఖుషీ కపూర్, జునైద్ ఖాన్, గ్రుషా కపూర్, అశుతోష్ రాణా, తన్వికా పార్లికర్, కికు శారదా, దేవిషి మందన్, ఆదిత్య కులశ్రేష్ట్, నిఖిల్ మెహతా, జాసన్ థామ్, యూసుస్ ఖాన్, యుక్తం ఖోల్సా, కుంజ్ ఆనంద్ త‌దిత‌రులు ఈ సినిమాలో కీల‌క పాత్ర‌లో పోషిస్తున్నారు.
