Naa Anveshana | నా అన్వేష‌ణ ఫేమ్.. యూట్యూబర్ అన్వేష్‌పై లుకౌట్ నోటీసులు

Youtuber Anveshana | నా అన్వేష‌ణ ఫేమ్, ప్రముఖ యూట్యూబర్‌ అన్వేష్‌పై పోలీసులు లుకౌట్‌ నోటీసులు జారీ చేశారు.

Youtuber Anveshana | నా అన్వేష‌ణ ఫేమ్, ప్రముఖ యూట్యూబర్‌ అన్వేష్‌పై పోలీసులు లుకౌట్‌ నోటీసులు జారీ చేశారు. గత ఏడాది పంజాగుట్ట పోలీస్ స్టేషన్‌లో నటి కరాటే కళ్యాణి ఇచ్చిన ఫిర్యాదు ఆధారంగా పోలీసులు ఈ చర్యలు తీసుకున్నారు. సోషల్ మీడియా వేదికగా అన్వేష్ హిందూ దేవతలపై వివాదాస్పద వ్యాఖ్యలు చేశారని, భక్తుల మనోభావాలు దెబ్బతీసేలా అసభ్యకరంగా వీడియోలు విడుదల చేశారని కరాటే కళ్యాణి సదరు ఫిర్యాదులో పేర్కొన్నారు. ఈ క్రమంలోనే అప్పట్లోనే ఆయనపై కేసు నమోదు చేసిన పోలీసులు, తాజాగా దర్యాప్తును వేగవంతం చేశారు. విశాఖపట్నానికి చెందిన అన్వేష్ ప్రస్తుతం విదేశాల్లో ఉంటూ తన యూట్యూబ్ ఛానల్‌ను నిర్వహిస్తున్నారు. ఆయన దేశం వెలుపల ఉండటంతో విచారణ నిమిత్తం పోలీసులు లుకౌట్ నోటీసులు జారీ చేశారు. దీనివల్ల ఆయన ఏ విమానాశ్రయంలో దిగినా విమానాశ్రయ అధికారులు వెంటనే గుర్తించి పోలీసులకు సమాచారం అందించే అవకాశం ఉంటుంది.