Visit:
Leo Movie | వారసుడు సినిమా తర్వాత తమిళ సూపర్ స్టార్ దళపతి విజయ్ (Thalapathy Vijay) న‌టించిన తాజా చిత్రం లియో. లోకేష్ కనగరాజ్ దర్శకత్వం వ‌హించాడు. ఈనెల 19న ప్రేక్షకుల ముందుకొచ్చిన ఈ చిత్రం బాక్సాఫీసు వద్ద దూసుకెళ్తోంది. కలెక్షన్ల పరంగా కాసుల వర్షం కురిపిస్తోంది. మొదటి రోజే ఈ సినిమా 140 కోట్లకు పైగా గ్రాస్ కలెక్షన్స్ వసూలు చేయ‌గా.. వారం రోజుల్లో ఏకంగా 461 కోట్ల గ్రాస్ కలెక్ట్ చేసి చ‌రిత్ర సృషించింది. అయితే లియో సినిమా కలెక్షన్స్ ఫేక్ అంటూ వార్తలు వ‌స్తున్నాయి. కాగా దీనిపై తాజాగా ద‌ర్శ‌కుడు లోకేష్ కనగరాజ్ స్పందించాడు.
కోలీవుడ్ స్టార్ హీరో కార్తీ హీరోగా న‌టిస్తున్న తాజా చిత్రం జపాన్ (japan). రాజమురుగన్‌ దర్శకత్వం వహిస్తున్న ఈ సినిమా దీపావళి పండక్కు ప్రేక్షకుల ముందుకు రానుంది. అయితే ఈ చిత్ర ప్ర‌మోష‌న్స్‌లో భాగంగా.. మేక‌ర్స్ జపాన్ ట్రైలర్‌ను రిలీజ్‌ చేశారు. ఇక ఈ ట్రైల‌ర్ ఈవెంట్‌కు అతిథిగా లియో ద‌ర్శ‌కుడు లోకేష్ కనగరాజ్ వ‌చ్చాడు. అయితే ఒక రిపోర్టర్ లోకేష్‌ను అడుగుతూ.. చాలా మంది లియో సినిమా కలెక్షన్స్ ఫేక్ అంటూన్నారు. దానిపై మీ అభిప్రాయం? ఎంటి అని అడిగారు. దీనికి లోకేష్ స‌మాధాన‌మిస్తూ.. ”నేను ఇంత‌కుముందే చెప్పాను. నేను ఏ మూవీ తీసినా కలెక్షన్ల మీద నాకు ఇంట్రెస్ట్ ఉండ‌దు. థియేటర్‌లో రెస్పాన్స్ చూసాను. జ‌నాల‌కు న‌చ్చింద‌ని తెలుస్తుంది. అయితే సెకండ్ హాఫ్ సగం ల్యాగ్ అయింద‌ని చెబుతున్నారు. అది నా నిర్మాత‌నే చూసుకోవాలి. డైరెక్షన్‌తో నా పని అయిపోయింది. అంటూ లోకేష్ చెప్పుకొచ్చాడు.
— harry billa (@harry_billa_vdo) October 28, 2023
లోకేశ్‌ కనగరాజ్ దర్శకత్వంలో వచ్చిన ‘లియో’ చిత్రంలో దళపతి విజయ్ టైటిల్‌ రోల్‌ పోషించారు. సెవెన్‌ స్క్రీన్‌ స్టూడియోపై నిర్మించిన ఈ చిత్రంలో త్రిష హీరోయిన్‌గా నటించింది. ప్రియా ఆనంద్‌, మలయాళ నటి శాంతి మాయాదేవి, మన్సూర్ అలీఖాన్‌, గౌతమ్ వాసు దేవ్‌మీనన్‌, మిస్కిన్‌, మాథ్యూ థామస్‌, సాండీ కీలక పాత్రలు పోషించారు. అక్టోబర్‌ 19న ఈ చిత్రం గ్రాండ్‌గా రిలీజైంది.
