Kriti Sanon | నన్ను హీరోయిన్‌గా ప్రకటించి.. లాస్ట్‌కి స్టార్‌ కిడ్స్‌ను తీసుకునేవాళ్లు .. నెపోటిజంపై స్పందించిన కృతి సనన్

Kriti Sanon | జయాపజయాలతో సంబంధం లేకుండా విభిన్న కథాంశాల్ని ఎంచుకొని సినిమాలు చేస్తుంటుంది కథానాయిక కృతిసనన్‌. పదేళ్ల సినీ ప్రయాణాన్ని పూర్తి చేసుకున్న ఈ భామ బాలీవుడ్‌ అగ్ర కథానాయికల్లో ఒకరిగా పేరు తెచ్చుకుంది. హిందీ చిత్రసీమలోని బంధుప్రీతి, గుత్తాధిపత్యంపై తరచూ తన గళాన్ని వినిపిస్తుంటుంది కృతిసనన్‌.

Kriti Sanon | జయాపజయాలతో సంబంధం లేకుండా విభిన్న కథాంశాల్ని ఎంచుకొని సినిమాలు చేస్తుంటుంది కథానాయిక కృతిసనన్‌. పదేళ్ల సినీ ప్రయాణాన్ని పూర్తి చేసుకున్న ఈ భామ బాలీవుడ్‌ అగ్ర కథానాయికల్లో ఒకరిగా పేరు తెచ్చుకుంది. హిందీ చిత్రసీమలోని బంధుప్రీతి, గుత్తాధిపత్యంపై తరచూ తన గళాన్ని వినిపిస్తుంటుంది కృతిసనన్‌. ఈ భామ బాలీవుడ్‌లోని బంధుప్రీతిపై గతంలో చేసిన వ్యాఖ్యల తాలూకు వీడియో ప్రస్తుతం వైరల్‌గా మారింది. కెరీర్‌ ఆరంభంలో అవకాశాలపరంగా ఎన్నో ఇబ్బందులను ఎదుర్కొన్నానని ఆ వీడియోలో పేర్కొంది కృతిసనన్‌.

ఆమె మాట్లాడుతూ ‘కెరీర్‌ విషయంలో చాలా సంతృప్తిగా ఉన్నాను. మనసుకు నచ్చిన కథల్ని ఎంచుకొని కష్టపడితే విజయాలు తప్పకుండా వస్తాయని నేను నమ్ముతాను. అయితే ఆరంభంలో కొన్ని పెద్ద సినిమాల ఆఫర్లు వచ్చినట్లే వచ్చి చేజారిపోయాయి. తొలుత నన్ను హీరోయిన్‌గా ప్రకటించి.. సినిమా ఆరంభమయ్యే టైమ్‌లో నా స్థానంలో స్టార్‌కిడ్స్‌ను తీసుకున్నారు. ఇలా చాలా సార్లు జరిగింది. అయినా నేనెప్పుడూ బాధపడలేదు. ఏం జరిగినా అంతా మన మంచికే అనుకున్నా. జీవితంలో జరిగే ప్రతీ సంఘటనకు ఓ కారణం ఉంటుందని నేను నమ్ముతాను’ అని చెప్పింది. ప్రస్తుతం ఈ భామ చిత్ర నిర్మాణంలోకి అడుగుపెట్టి ‘దో పట్టి’ అనే చిత్రాన్ని నిర్మిస్తున్నది.

Read More :

“Kriti Sanon | బంపరాఫర్‌ కొట్టేసిన కృతిసనన్‌.. ట్రాజెడీ క్వీన్‌ బయోపిక్‌లో నటించే ఛాన్స్‌!”