ఊహకు అందని మాయాజాలం

సీనియర్‌ కథానాయిక అనుష్కశెట్టి మలయాళంలో నటిస్తున్న తొలి చిత్రం ‘కథనార్‌'. డార్క్‌ ఫాంటసీ థ్రిల్లర్‌గా తెరకెక్కిస్తున్న ఈ చిత్రానికి రొజిన్‌ థామస్‌ దర్శకత్వం వహిస్తున్నారు. గోకులం గోపాలన్‌ నిర్మాత. మంగళవారం ట్రైలర్‌ను విడుదల చేశారు.

సీనియర్‌ కథానాయిక అనుష్కశెట్టి మలయాళంలో నటిస్తున్న తొలి చిత్రం ‘కథనార్‌’. డార్క్‌ ఫాంటసీ థ్రిల్లర్‌గా తెరకెక్కిస్తున్న ఈ చిత్రానికి రొజిన్‌ థామస్‌ దర్శకత్వం వహిస్తున్నారు. గోకులం గోపాలన్‌ నిర్మాత. మంగళవారం ట్రైలర్‌ను విడుదల చేశారు. ఆద్యంతం ఫాంటసీ అంశాలతో విజువల్‌ ఎఫెక్ట్స్‌ను హైలైట్‌ చేస్తూ ట్రైలర్‌ ఆకట్టుకుంది. అతీంద్రియ శక్తులు ఉన్నాయని నమ్మే కడమట్టత్తు కథనార్‌ అనే పూజారి గాథల స్ఫూర్తితో ఈ చిత్రాన్ని తెరకెక్కించారు.

పురాణాలు, మాయా ప్రపంచం కలబోతగా ఓ ఫాంటసీ ప్రపంచాన్ని ఆవిష్కరిస్తూ ట్రైలర్‌ సాగింది. ‘ఎవరి ఊహకి అందని.. అందరూ ఆశ్చర్యంతో చూసే ఓ మాయాజాలం’ అనే డైలాగ్‌ సినిమా కథా సారాన్ని తెలియజేసేలా ఉంది. జయసూర్య, ప్రభుదేవా, సనూప్‌సాన్‌, శాండీ, దేవిక, నితీష్‌ భరద్వాజ్‌, వినీత్‌ తదితరులు నటిస్తున్న ఈ చిత్రానికి సంగీతం: రాహుల్‌ సుబ్రహ్మణ్యన్‌, దర్శకత్వం: రోజిన్‌ థామస్‌.