Visit:
Kanchana 4 | ఇండియన్ సినిమాలో ప్రస్తుతం సీక్వెల్స్, ఫ్రాంచైజ్ చిత్రాలకు ఎంతటి క్రేజ్ ఉందో ప్రత్యేకంగా చెప్పాల్సిన పనిలేదు. అయితే ఇప్పుడు పాన్ ఇండియా ట్రెండ్గా మారిన ఈ సీక్వెల్ కల్చర్కు చాలా ఏళ్ల క్రితమే బాటలు వేసిన వారిలో రాఘవ లారెన్స్ ఒకరు. ముఖ్యంగా ఆయన తెరకెక్కించిన ‘ముని’, ‘కాంచన’ సిరీస్లు దక్షిణాదితో పాటు దేశవ్యాప్తంగా భారీ ఆదరణ దక్కించుకున్నాయి. హారర్కు కామెడీని జోడిస్తూ ప్రేక్షకులను భయపెట్టడంతో పాటు నవ్వించిన ఈ ఫ్రాంచైజ్ బాక్సాఫీస్ వద్ద సెన్సేషన్ క్రియేట్ చేసింది. ముఖ్యంగా ‘కాంచన’ సిరీస్కు ఫ్యామిలీ ఆడియన్స్లో కూడా విపరీతమైన క్రేజ్ ఏర్పడింది. దీంతో ఈ ఫ్రాంచైజ్లో వచ్చే ప్రతి సినిమాపై ప్రేక్షకుల్లో భారీ అంచనాలు నెలకొంటూ వచ్చాయి.
ప్రస్తుతం లారెన్స్ ‘కాంచన 4’ పనుల్లో బిజీగా ఉన్న సంగతి తెలిసిందే. అయితే ఈ సినిమాపై ఇప్పుడు ఓ ఆసక్తికరమైన టాక్ సోషల్ మీడియాలో వైరల్గా మారింది. అదేంటంటే.. ‘కాంచన 4’ ఈ హారర్ కామెడీ ఫ్రాంచైజ్లో చివరి సినిమా కావచ్చని ప్రచారం జరుగుతోంది. ఈ వార్త లారెన్స్ అభిమానులకు కొంత నిరాశ కలిగించే అంశమే అయినప్పటికీ, దీనికి వెనుక మరో ఆసక్తికరమైన కారణం ఉందని సినీ వర్గాల్లో చర్చ నడుస్తోంది. ‘కాంచన’ సిరీస్కు ముగింపు పలికిన తర్వాత లారెన్స్ పూర్తిగా కొత్త తరహా కథలు, కొత్త ఫ్రాంచైజ్లపై దృష్టి పెట్టాలని భావిస్తున్నట్టు సమాచారం.
ఇప్పటికే తనకు కమర్షియల్గా మంచి ఇమేజ్ ఉన్న నేపథ్యంలో, హారర్ కామెడీకి భిన్నంగా కొత్త జానర్స్లో ప్రయోగాలు చేయాలనే ఆలోచనలో లారెన్స్ ఉన్నారని కోలీవుడ్ వర్గాలు చెబుతున్నాయి. అలాగే కొత్త తరహా యూనివర్స్ లేదా మరో ఫ్రాంచైజ్ను కూడా ఆయన ప్లాన్ చేస్తున్నారనే టాక్ వినిపిస్తోంది. అయితే ‘కాంచన 4’ నిజంగానే ఈ సిరీస్కు ముగింపు అవుతుందా? లేక మరోసారి సర్ప్రైజ్ ఇస్తారా? అన్నదానిపై అధికారిక ప్రకటన రావాల్సి ఉంది. కానీ ప్రస్తుతం మాత్రం ఈ వార్త సోషల్ మీడియాలో వైరల్గా మారి అభిమానుల్లో ఆసక్తిని పెంచుతోంది.
