vikram Trailer | లోకనాయకుడు కమల్హాసన్ ఆరు పదుల వయసు దాటినా యువ హీరోలకు ధీటుగా యాక్షన్ సినిమాలను చేస్తున్నాడు. ఈయన నటించిన లేటెస్ట్ చిత్రం ‘విక్రమ్’. ‘మాస్టర్’ ఫేం లోకేష్ కనగరాజు దర్శకత్వం వహించిన ఈ చిత్రం భారీ యాక్షన్ ఎంటర్టైనర్గా తెరకెక్కింది. గతేడాది విడుదలైన టైటిల్ టీజర్ నుంచి ఇటీవలే విడుదలైన మేకింగ్ గ్లింప్స్ వరకు ప్రతి ఒక్కటి ప్రేక్షకులను విపరీతంగా ఆకట్టుకున్నాయి. గతకొంత కాలంగా కమల్ నుంచి ఆశించిన స్థాయిలో ఒక్క సినిమా కూడా రాలేదు. ఈ క్రమంలో ‘విక్రమ్’ చిత్రం మళ్ళీ అప్పటి కమల్ను గుర్తుచేస్తుంది. ఇటీవలే షూటింగ్ పూర్తి చేసుకున్న ఈ చిత్రం జూన్ 3న విడుదల కానుంది. ఈ క్రమంలో మేకర్స్ తరచూ ఏదో ఒక అప్డేట్తో ప్రేక్షకులను ఆకట్టుకుంటున్నారు. తాజాగా చిత్ర బృందం మరో అప్డేట్ను ప్రకటించారు.
‘విక్రమ్’ సినిమా ప్రీ రిలీజ్ ఈవెంట్ మే15న చెన్నైలో జరగనున్నట్లు మేకర్స్ ప్రకటించారు. అంతేకాకుండా అదే రోజున ట్రైలర్ను కూడా విడుదల చేయనున్నట్లు తెలిపారు. ఈ చిత్రంలోని ‘పథాల పథాల’ ఫస్ట్ సింగిల్ లిరికల్ వీడియో మే11న విడుదల కానున్న విషయం తెలిసిందే. ఈ చిత్రంపై ప్రేక్షకులలో మొదటి నుంచి భారీ స్థాయిలో అంచనాలను నెలకొన్నాయి. ఫాహద్ ఫాజిల్, విజయ్ సేతుపతి వంటి స్టార్ హీరోలు ఈ చిత్రంలో నటించనుడంటంతో ప్రేక్షకులలోనే కాదు సినీప్రముఖులలో కూడా అంచనాలు రెట్టింపు అయ్యాయి. కమల్ హసన్కు 232 సినిమాగా తెరకెక్కిన ఈ చిత్రాన్ని రాజ్ కమల్ ఫిలింస్ బ్యానర్పై ఆర్. మహేంద్రన్తో కలిసి కమల్ హాసన్ స్వీయ నిర్మాణంలో తెరకెక్కిస్తున్నాడు. ఈ చిత్రం తమిళంతో పాటు తెలుగు, మలయాళ, హిందీ, కన్నడ భాషల్లో విడుదల కానుంది.
#KamalHaasan #VikramFromJune3 #VikramAudioLaunch #VikramTrailer@ikamalhaasan @Udhaystalin @Dir_Lokesh @anirudhofficial @VijaySethuOffl #FahadhFaasil #Mahendran @RKFI @turmericmediaTM @SonyMusicSouth @RedGiantMovies_ @DisneyPlusHS @vijaytelevision @disneyplusHSTam https://t.co/Vstu14TaBd
— Raaj Kamal Films International (@RKFI) May 10, 2022