ఎవరీ అవధూత?

కల్కి 2898 ఏడీ’ ఏ తరహా సినిమా? ఇందులో ప్రభాస్‌, కమల్‌హాసన్‌, అమితాబ్‌ల పాత్రలు ఏంటి? సినిమా మొదలైన నాటి నుంచి నేటి వరకూ ఈ ప్రశ్నలు వినిపిస్తూనే ఉన్నాయి. ఇక సోషల్‌ మీడియాలో అయితే ఈ సినిమా కథ గురించి ఎవరికి తోచింది వాళ్లు రాసుకుంటూ ఉన్నారు.

‘కల్కి 2898 ఏడీ’ ఏ తరహా సినిమా? ఇందులో ప్రభాస్‌, కమల్‌హాసన్‌, అమితాబ్‌ల పాత్రలు ఏంటి? సినిమా మొదలైన నాటి నుంచి నేటి వరకూ ఈ ప్రశ్నలు వినిపిస్తూనే ఉన్నాయి. ఇక సోషల్‌ మీడియాలో అయితే ఈ సినిమా కథ గురించి ఎవరికి తోచింది వాళ్లు రాసుకుంటూ ఉన్నారు. నిజానికి దర్శకుడు నాగశ్విన్‌ ప్రేక్షకుల ఊహలకు అందని స్థాయిలో ఈ కథను రాసుకున్నాడని సమాచారం. ప్రభాస్‌, వైజయంతీ మూవీస్‌ కెరీర్‌లోనే అత్యంత గ్రాండియర్‌గా ఉండే సినిమా ‘కల్కి 2898 ఏడీ’ అని ఫిల్మ్‌నగర్‌ టాక్‌. ఇది శ్రీమద్భాగవతం చెప్పిన భవిష్యత్‌ పురాణానికి దృశ్యరూపం అని సమాచారం. కథానుగుణంగా ఇందులో అమితాబ్‌ వయసు వేల సంవత్సరాలు ఉంటుందని తెలుస్తున్నది. అందుకు తగ్గట్టుగానే, మాసిన వస్ర్తాలతో, నిర్జీవమైన శరీరంతో… వేల సంవత్సరాల భువన వైభవాలకూ, క్షామాలకూ సాక్షిగా కనిపిస్తాడట అమితాబ్‌. ఆదివారం విడుదలైన గ్లింప్స్‌ అందుకు అద్దం పట్టింది. ఇందులో ఆయన కారణజన్ముడిగా దర్శనమిచ్చాడు. ఓ క్షణకాలంపాటు యంగ్‌ అమితాబ్‌ ఈ గ్లింప్స్‌లో సాక్షాత్కరించడం విశేషం. ఈ గ్లింప్స్‌తో సినిమాపై అంచనాలు మరింత పెరిగాయని చెప్పక తప్పదు.