Kajal Agarwal | తెలుగు సినిమా నా పుట్టినిల్లు

అగ్ర కథానాయిక కాజల్‌ అగర్వాల్‌ నటిస్తున్న తాజా చిత్రానికి ‘సత్యభామ’ అనే టైటిల్‌ను ఖరారు చేశారు. అఖిల్‌ డేగల దర్శకుడు. ఆరమ్‌ ఆర్ట్స్‌ పతాకంపై బాబీ తిక్క, శ్రీనివాసరావు తక్కళపల్లి నిర్మిస్తున్నారు. మహిళా ప్రధాన ఇతివృత్తమిది.

అగ్ర కథానాయిక కాజల్‌ అగర్వాల్‌ నటిస్తున్న తాజా చిత్రానికి ‘సత్యభామ’ అనే టైటిల్‌ను ఖరారు చేశారు. అఖిల్‌ డేగల దర్శకుడు. ఆరమ్‌ ఆర్ట్స్‌ పతాకంపై బాబీ తిక్క, శ్రీనివాసరావు తక్కళపల్లి నిర్మిస్తున్నారు. మహిళా ప్రధాన ఇతివృత్తమిది. ఆదివారం కాజల్‌ పుట్టిన రోజు సందర్భంగా ఫస్ట్‌ గ్లింప్స్‌ను ప్రముఖ దర్శకుడు శేఖర్‌ కమ్ముల విడుదల చేశారు.

ఆయన మాట్లాడుతూ “మగధీర’లో మిత్రవిందగా కాజల్‌ అందరికి గుర్తుండిపోయింది. ఇప్పుడు కూడా అదే అందంతో అలరిస్తున్నది. పెళ్లయినా సరే కథానాయికలు తమ కెరీర్‌ను కొనసాగించాలి అనేందుకు కాజల్‌ మంచి ఉదాహరణ’ అని అన్నారు. ఈ సినిమాలో సత్యభామగా కాజల్‌ పాత్ర చిత్రణ కొత్త పంథాలో ఉంటుందని దర్శకుడు తెలిపారు. కాజల్‌ అగర్వాల్‌ మాట్లాడుతూ ‘తెలుగు సినిమా నాకు పుట్టినిల్లు. కాస్త విరామం తర్వాత మళ్లీ తెలుగు సినిమా చేయడం చాలా ఆనందంగా ఉంది. ‘సత్యభామ’ అందరూ గుర్తుంచుకునే మంచి సినిమా అవుతుంది’ అని చెప్పింది.