Visit:
Jawan Movie Post Poned | ఎన్నో ఏళ్లుగా హిట్టు కోసం ఎదురు చూస్తున్న షారుఖ్‌కు ‘పఠాన్‌’ తిరుగులేని విజయాన్నిచ్చింది. రిలీజ్‌కు ముందు మేకర్స్‌ చేసిన హడావిడితో ఈ సినిమాపై ఎక్కడలేని బజ్‌ ఏర్పడింది. అంతే భారీ స్థాయిలో ఓపెనింగ్స్ వచ్చాయి. తొలిరోజే అనుకుంటే వరుసగా ఐదు రోజులు వంద కోట్లకు తగ్గకుంటా కలెక్షన్‌లు సాధించి ఇండియన్‌ సినీ చరిత్రలోనే సరికొత్త రికార్డులు సృష్టించింది. సౌత్‌లో పెద్దగా ఆడకపోయినా.. నార్త్‌లో మాత్రం సంచలనం రేపింది. ఈ సినిమా దాటికి పెద్ద పెద్ద సినిమాలు సైతం పోస్ట్‌ పోన్‌ అయ్యాయి. ప్రస్తుతం అదే జోష్‌తో షారుఖ్ ‘జవాన్‌’ సినిమా చేస్తున్నాడు.
అట్లీ దర్శకత్వం వహిస్తున్న ఈ సినిమా ప్రస్తుతం శరవేగంగా షూటింగ్‌ జరుపుకుంటుంది. ఇప్పటికే రిలీజైన టీజర్‌ సినిమాపై ఎక్కడలేని అంచనాలు క్రియేట్‌ చేసింది. ఈ సినిమా షారుఖ్‌కు మరో వెయ్యి కోట్ల బొమ్మవుతుందంటూ అప్పుడే అభిమానులు కామెంట్స్‌ చేస్తున్నారు. ఇక ఇదిలా ఉంటే తాజాగా ఈ సినిమాను పోస్ట్‌ పోన్‌ చేస్తూ మేకర్స్‌ కొత్త రిలీజ్‌ డేట్‌ను అనౌన్స్‌ చేశారు. జవాన్‌ సినిమాను సెప్టెంబర్‌ 7న రిలీజ్‌ చేస్తున్నట్లు మేకర్స్‌ ఓ స్పెషల్ వీడియో బిట్‌ను రిలీజ్‌ చేశారు. ముందుగా ఈ సినిమా జూన్‌ 2కు రావాల్సింది. కానీ పోస్ట్‌ ప్రొడక్షన్‌ వర్క్‌ చాలా వరకు పెండింగ్‌ ఉండటంతో జవాన్‌ను పోస్ట్‌ పోన్‌ చేశారని సమాచారం.
యాక్షన్‌ థ్రిల్లర్ నేపథ్యంలో తెరకెక్కిన ఈ సినిమాలో షారుఖ్ ద్విపాత్రాభినయం చేస్తున్నాడు. షారుఖ్‌కు జోడీగా నయనతార నటిస్తుంది. విజయ్‌ సేతుపతి కీలకపాత్ర పోషిస్తున్నాడు. అనిరుధ్‌ స్వరాలందిస్తున్న ఈసినిమాను రెడ్‌ చిల్లీస్‌ ఎంటర్‌టైనమెంట్స్‌ బ్యానర్‌పై షారుఖ్ భార్య గౌరీఖాన్‌ నిర్మిస్తుంది. ఇక ఈ సినిమా హిందీతో పాటు తెలుగు, తమిళ భాషల్లో ఏకకాలంలో రిలీజ్‌ కానుంది.
#Jawan #7thSeptember2023 worldwide pic.twitter.com/jb8hwmVnIP
— atlee (@Atlee_dir) May 6, 2023
