Visit:
Nitish Kumar | బీహార్ ముఖ్యమంత్రి నితీష్ కుమార్ ఒక ముస్లిం మహిళా వైద్యురాలి పట్ల ప్రవర్తించిన తీరుపై దేశవ్యాప్తంగా నిరసనలు వ్యక్తమవుతున్న విషయం తెలిసిందే. పాట్నాలో జరిగిన ఓ కార్యక్రమంలో ఓ మహిళా డాక్టర్ హిజాబ్ను నితిష్ కుమార్ బలవంతంగా లాగడంతో విమర్శలు వస్తున్నాయి. ఆయుష్ డాక్టర్లకు సర్టిఫికెట్ల ప్రదానం సందర్భంగా సోమవారం ఈ ఘటన జరిగింది. ఈ ఘటనపై ఇప్పటికే కాంగ్రెస్, ఆర్జేడీ తీవ్రంగా స్పందించాయి. అయితే తాజాగా ఈ ఘటనపై ప్రముఖ సినీ గీత రచయిత జావేద్ అక్తర్ తీవ్రంగా స్పందించారు. ఒక మహిళా డాక్టర్ హిజాబ్ను బహిరంగంగా తొలగించడంపై ఆయన విస్మయం వ్యక్తం చేస్తూ, ముఖ్యమంత్రి చర్యను తీవ్రంగా ఖండించారు.
ఈ సందర్భంగా సోషల్ మీడియా వేదికగా జావేద్ అక్తర్ తన అభిప్రాయాన్ని రాసుకోచ్చాడు. మహిళలు సాంప్రదాయ పద్ధతిలో పాటించే ‘పర్థా’ (ముసుగు) విధానాన్ని నేను మొదటి నుండి వ్యతిరేకిస్తానన్న విషయం నన్ను తెలిసిన ప్రతి ఒక్కరికీ తెలుసు. అయితే, నేను పర్థాను వ్యతిరేకించినంత మాత్రాన, ఒక మహిళ పట్ల ముఖ్యమంత్రి స్థాయిలో ఉన్న వ్యక్తి అనుచితంగా ప్రవర్తించడాన్ని సమర్థించలేం. నితీష్ కుమార్ ఒక ముస్లిం మహిళా డాక్టర్ విషయంలో చేసిన పనిని ఏ రకంగానూ ఆమోదించలేను. ఈ దుశ్చర్యను నేను అత్యంత కఠిన పదజాలంతో ఖండిస్తున్నాను. ముఖ్యమంత్రి నితీష్ కుమార్ వెంటనే బాధితురాలైన ఆ మహిళా వైద్యురాలికి బేషరతుగా క్షమాపణలు చెప్పాలి అని ఆయన డిమాండ్ చేశారు.
Every one who knows me even in the most cursory manner knows how much I am against the traditional concept of Parda but it doesn’t mean that by any stretch of imagination I can accept what Mr Nitish Kumar has done to a Muslim lady doctor . I condemn it in very strong words . Mr…
— Javed Akhtar (@Javedakhtarjadu) December 18, 2025
