ఇక మిగిలింది ఆగమనమే..

వయసు పైబడిన ఓ రిటైర్డ్‌ జైలర్‌.. భారీ మాఫియా సామ్రాజ్యాన్ని ఎలా అంతమొందించాడు? అనే ప్రశ్నకు సమాధానంగా రూపొందిన పాన్‌ఇండియా బ్లాక్‌బస్టర్‌ ‘జైలర్‌'.

వయసు పైబడిన ఓ రిటైర్డ్‌ జైలర్‌.. భారీ మాఫియా సామ్రాజ్యాన్ని ఎలా అంతమొందించాడు? అనే ప్రశ్నకు సమాధానంగా రూపొందిన పాన్‌ఇండియా బ్లాక్‌బస్టర్‌ ‘జైలర్‌’. రజనీకాంత్‌ హీరోగా నెల్సన్‌ దిలీప్‌కుమార్‌ తెరకెక్కించిన ఈ చిత్రం ఎంతటి భారీ విజయాన్ని అందుకున్నదో తెలిసిందే. ఆ సినిమా సీక్వెల్‌గా తెరకెక్కుతున్న ‘జైలర్‌ 2’ చిత్రం తాజాగా షూటింగ్‌ని పూర్తి చేసుకున్నది. ఈ విషయాన్ని తెలుపుతూ చిత్ర బృందం కొన్ని ఫొటోలను సోషల్‌ మీడియాతో పంచుకున్నది. ‘జైలర్‌’ని మించే స్థాయిలో ‘జైలర్‌ 2’ ఉండబోతున్నదని, ఇందులో తలైవా విశ్వరూపం చూస్తారని మేకర్స్‌ చెబుతున్నారు. ఈ ఏడాది సెప్టెంబర్‌లో సినిమా విడుదల కానుంది. మోహన్‌లాల్‌, శివరాజ్‌కుమార్‌, విజయ్‌సేతుపతి, మిథున్‌ చక్రవర్తి స్పెషల్‌ రోల్స్‌లో కనిపించనున్న ఈ చిత్రానికి కెమెరా: విజయ్‌ కార్తీక్‌ కన్నన్‌, సంగీతం: అనిరుథ్‌ రవిచందర్‌, నిర్మాత: కళానిధి మారన్‌.