Sharwanand | 9 నెల‌ల క‌ష్టం..మ‌ళ్లీ బ‌రువు పెర‌గ‌డం ఇష్టం లేదు : శ‌ర్వానంద్

ఇటీవ‌లే శ్రీకార్తిక్ ద‌ర్శ‌క‌త్వంలో వ‌చ్చిన ఒకే ఒక జీవితం సినిమాతో మంచి హిట్టందుకున్నాడు శ‌ర్వానంద్ (Sharwanand). స్క్రిప్ట్ యూనివ‌ర్సల్‌గా ఉండ‌టంతో ఈ చిత్రాన్నితెలుగు, త‌మిళ భాష‌ల్లో తెర‌కెక్కించామన్నాడు శ‌ర్వానంద్‌.

September 14, 2022 / 09:37 PM IST

Sharwanand | 9 నెల‌ల క‌ష్టం..మ‌ళ్లీ బ‌రువు పెర‌గ‌డం ఇష్టం లేదు : శ‌ర్వానంద్

కథ‌ను న‌మ్మి సినిమా చేసే యాక్ట‌ర్ల‌లో టాప్ ప్లేస్‌లో ఉంటాడు యువ హీరో శ‌ర్వానంద్ (Sharwanand) . ఇటీవ‌లే శ్రీకార్తిక్ ద‌ర్శ‌క‌త్వంలో వ‌చ్చిన ఒకే ఒక జీవితం (Oke Oka Jeevitham) సినిమాతో మంచి హిట్టందుకున్నాడు. స్క్రిప్ట్ యూనివ‌ర్సల్‌గా ఉండ‌టంతో ఈ చిత్రాన్ని తెలుగు, త‌మిళ భాష‌ల్లో తెర‌కెక్కించామన్నాడు శ‌ర్వానంద్‌.

భార‌త ప్రేక్ష‌కుల‌కు చెప్పేంత స్కోప్ ఉన్న క‌థ వచ్చిన‌పుడు ఖ‌చ్చితంగా పాన్ ఇండియా చేస్తాన‌న్నాడు.
అంత‌కుముందు బొద్దుగా లావుగా ఉన్న శ‌ర్వానంద్ స్లిమ్ లుక్‌లోకి మారేందుకు సుమారు 6 నెల‌లకుపైగా వ‌ర్క‌వుట్ చేశాడు. కేవ‌లం బ‌రువు త‌గ్గడం కోసం మాత్ర‌మే కాద‌ని, ప‌ర్‌ఫెక్ట్ ఫిజిక్ కోసం కూడా బ్రేక్ తీసుకున్నాన‌ని చెప్పుకొచ్చాడు.

మ‌ళ్లీ బ‌రువు పెర‌గ‌డం (Weight gain)పై శ‌ర్వా స్పందిస్తూ..ఒక వేళ‌ బరువు పెరగాలంటే నేను సినిమా చేయను. అన్నింటికంటే నా ఆరోగ్యం ముఖ్యం. నేను మ‌ళ్లీ బరువు పెరగడం ఇష్టం లేదు. నేను ఫిట్‌గా మారేందుకు 9 నెల‌లు ప‌ట్టింది. బ‌రువు పెర‌గ‌డం సుల‌భ‌వం..కానీ బ‌రువు త‌గ్గి శరీరాన్ని చ‌క్క‌దిద్దుకోవడం క‌ష్ట‌మైన ప‌ని..నేను మ‌ళ్లీ ఆ మెంట‌ల్ ట్రామాలోకి వెళ్ల‌లేనంటూ చెప్పుకొచ్చాడు.