Sarath Babu | శరత్‌బాబు పరిస్థితి ఇప్పుడు ఎలా ఉంది? లేటెస్ట్‌ అప్‌డేట్‌ ఇదీ..

Sarath Babu | సీనియర్‌ నటుడు శరత్‌బాబు ఆరోగ్యంపై రకరకాల వదంతులు పుట్టుకొస్తున్న నేపథ్యంలో హైదరాబాద్‌ ఏఐజీ ఆస్పత్రి వర్గాలు కీలక అప్‌డేట్‌ ఇచ్చాయి. ప్రస్తుతం ఆయన పరిస్థితి నిలకడగానే ఉందని పేర్కొంటూ తాజాగా ఓ హెల్త్‌ బులిటెన్‌ను విడుదల చేశాయి.

Sarath Babu | సీనియర్‌ నటుడు శరత్‌బాబు ఆరోగ్యంపై రకరకాల వదంతులు పుట్టుకొస్తున్న నేపథ్యంలో హైదరాబాద్‌ ఏఐజీ ఆస్పత్రి వర్గాలు కీలక అప్‌డేట్‌ ఇచ్చాయి. ప్రస్తుతం ఆయన పరిస్థితి నిలకడగానే ఉందని పేర్కొంటూ తాజాగా ఓ హెల్త్‌ బులిటెన్‌ను విడుదల చేశాయి.

ప్రస్తుతం శరత్‌బాబు అవయవాల పనితీరు నిలకడగానే ఉందని.. అయినప్పటికీ ఆయన ఆరోగ్య పరిస్థితి క్రిటికల్‌గానే ఉందని ఏఐజీ ఆస్పత్రి వైద్యులు వెల్లడించారు. ప్రస్తుతం శరత్‌బాబుకు వెంటిలేటర్‌పై ట్రీట్‌మెంట్‌ కొనసాగుతోందని తెలిపారు. ఆయన ఆరోగ్యంపై ఎలాంటి వదంతులను ప్రచారం చేయవద్దని విజ్ఞప్తి చేశారు. శరత్‌బాబు ఆరోగ్య పరిస్థితి గురించి ఆయన కుటుంబసభ్యులు లేదా ఏఐజీ ఆస్పత్రి వర్గాలు ఎప్పటికప్పుడూ మీడియాకు తెలియజేస్తారని స్పష్టం చేశారు.

చాలా రోజులుగా శరత్‌బాబు ఆస్పత్రిలో చికిత్స పొందుతుండటంతో ఆయన ఆరోగ్యంపై రకరకాల వదంతులు పుట్టుకొస్తున్నాయి. బుధవారం రాత్రి అయితే ఏకంగా శరత్‌బాబు మరణించారనే రూమర్స్‌ బయటకొచ్చాయి. వాటిని నిజమని నమ్మి చాలామంది ఆయనకు సంతాపం తెలిపారు. ఇవి చూసిన శరత్‌బాబు సోదరి సీరియస్‌ అయ్యారు. తన అన్నయ్య క్షేమంగానే ఉన్నారని బుధవారం రాత్రే ఒక ప్రకటన విడుదల చేశారు. ఆయన్ను ఐసీయూ నుంచి రూమ్‌కి షిఫ్ట్‌ చేశారని.. త్వరలోనే పూర్తిగా కోలుకుంటారని ఆశాభావం వ్యక్తం చేశారు. శరత్‌బాబు మరణించినట్లు వస్తున్న వార్తలను నమ్మొద్దని ఆయన సోదరుడి కుమారుడు ఆయుష్‌ తేజస్‌ గురువారం ఉదయం విజ్ఞప్తి చేశారు. ప్రస్తుతం శరత్‌బాబు పరిస్థితి నిలకడగా ఉందని.. పూర్తిగా కోలుకోవడానికి మరికొంత సమయం పడుతుందని వైద్యులు చెప్పారని వెల్లడించారు.

Read More :

Ileana D’Cruz | తల్లి కాబోతున్నట్లు ఇటీవలే ప్రకటించిన ఇలియానా.. ఇప్పుడు వీడియోతో షాకిచ్చింది!