Ileana D’Cruz | తల్లి కాబోతున్నట్లు ఇటీవలే ప్రకటించిన ఇలియానా.. ఇప్పుడు వీడియోతో షాకిచ్చింది!

Ileana D'Cruz | ప్రముఖ సినీ తార ఇలియానా.. తాను ఇప్పుడు గర్భవతిగా ఉన్నానని, త్వరలో ఓ బిడ్డకు స్వాగతం పలుకబోతున్నానని గత నెల తన అభిమానులకు శుభవార్త చెప్పింది. సోషల్‌ మీడియా వేదికగా ఇలియానా చేసిన ఆ ప్రకటన ఇంటర్నెట్‌లో పెద్ద కోలాహలమే సృష్టించింది.

న్యూఢిల్లీ: ప్రముఖ సినీ తార ఇలియానా.. తాను ఇప్పుడు గర్భవతిగా ఉన్నానని, త్వరలో ఓ బిడ్డకు స్వాగతం పలుకబోతున్నానని గత నెల తన అభిమానులకు శుభవార్త చెప్పింది. సోషల్‌ మీడియా వేదికగా ఇలియానా చేసిన ఆ ప్రకటన ఇంటర్నెట్‌లో పెద్ద కోలాహలమే సృష్టించింది. అభిమానులు పెద్ద ఎత్తున అభినందనలు తెలియజేశారు. కానీ కొంత మంది నెటిజన్‌లు మాత్రం ఇలియానా కడుపులో ఉన్న బిడ్డకు తండ్రి ఎవరంటూ అప్పటి నుంచి ఇప్పటివరకు ఎగతాళి కామెంట్స్‌ చేస్తూనే ఉన్నారు.

అయినా, ఆ కామెంట్లన్నింటినీ డోంట్‌ కేర్‌ అంటూ ఇప్పుడు ఆమె ఏకంగా బేబీ బంప్‌ వీడియోనే ఇన్‌స్టా స్టోరీస్‌లో షేర్‌ చేసింది. గత నెలలో తాను గర్భవతినని ప్రకటించిన తర్వాత ఆమె బేబీ బంప్‌ వీడియో షేర్‌ చేయడం ఇదే తొలిసారి. ఆ వీడియోలో ఇలియానా బెడ్‌పై కాళ్లు చాపి కూర్చుని ఉంది. ఆమె చేతిలో ఓ నల్లటి మగ్‌ ఉంది. ఈ సందర్భంగా ఆమె తన గర్భాన్ని చూపించింది. ఆ పోస్టుపై ‘లైఫ్‌ లేట్‌లీ’ అనే టెక్ట్స్ రాసింది.

కాగా, ఇలియానా కడుపులో ఉన్న బిడ్డకు తండ్రి ఎవరని నెటిజన్‌లు ప్రశ్నిస్తుండగా.. ప్రస్తుతం ఆమె కత్రినా కైఫ్‌ సోదరుడు సెబాస్టియన్‌ లారెంట్‌ మిచెల్‌తో డేటింగ్‌లో ఉన్నట్లు ప్రచారం జరుగుతున్నది.