సీరియస్‌గా నవ్విస్తా..

‘హీరోయిన్‌ ఆమని మా అత్తయ్య. చిన్నప్పట్నుంచీ సినిమాలంటే ఇష్టం. కొన్ని సినిమాల్లో బాలనటిగా కూడా నటించాను. హీరోయిన్‌గా ‘సౌండ్‌ పార్టీ’ నా రెండో సినిమా. ‘అల్లంత దూరాన’ త్వరాత నేను చేసిన సినిమా ఇది’ అని చెప్పింది హ్రితిక శ్రీనివాస్‌. ఆమె వీజే సన్నీకి జోడీగా నటించిన చిత్రం ‘సౌండ్‌ పార్టీ’.

‘హీరోయిన్‌ ఆమని మా అత్తయ్య. చిన్నప్పట్నుంచీ సినిమాలంటే ఇష్టం. కొన్ని సినిమాల్లో బాలనటిగా కూడా నటించాను. హీరోయిన్‌గా ‘సౌండ్‌ పార్టీ’ నా రెండో సినిమా. ‘అల్లంత దూరాన’ త్వరాత నేను చేసిన సినిమా ఇది’ అని చెప్పింది హ్రితిక శ్రీనివాస్‌. ఆమె వీజే సన్నీకి జోడీగా నటించిన చిత్రం ‘సౌండ్‌ పార్టీ’. సంజయ్‌ శేరి దర్శకుడు. రవి పోలిశెట్టి, మహేంద్ర గజేంద్ర, శ్రీశ్యామ్‌ గజేంద్ర నిర్మాతలు. ఈ నెల 24న ఈ చిత్రం విడుదల కానుంది. ఈ సందర్భంగా హ్రితిక విలేకరులతో మాట్లాడింది.

‘సంజయ్‌ కథ చెప్పినప్పుడు ఎక్సైటింగ్‌గా అనిపించింది. ఇది పూర్తి ఫన్‌ ఎంటర్‌టైనర్‌. కామెడీతో పాటు కంటెంట్‌ కూడా ఉంది. ఇందులో నా పాత్ర పేరు సిరి. తెలివిగల అమ్మాయిని. చాలా సీరియస్‌ కేరక్టర్‌. సిట్యువేషన్‌ మాత్రం కామెడీగా ఉంటుంది.

కథలో చాలా ప్రాముఖ్యత ఉన్న పాత్ర. ముఖ్యంగా ైక్లెమాక్స్‌ ఎవరూ ఊహించని విధంగా ఉంటుంది’ అంటూ చెప్పుకొచ్చింది హ్రితిక. అమాయకులైన తండ్రీకొడుకులు ఈజీమనీ కోసం ఎలాంటి పనులు చేశారనేది ఈ సినిమా ముఖ్య కథాంశమని, ఈ కథకు సరైన టైటిల్‌ ‘సౌండ్‌ పార్టీ’ అని, ఎంజాయ్‌ చేస్తూ షూటింగ్‌ చేశామని అందరూ బాగా సపోర్ట్‌ చేశారని చెప్పింది హ్రితిక.