House of the Dragon S3 Teaser | ‘హౌస్ ఆఫ్ ది డ్రాగన్’ సీజన్ 3 టీజర్ విడుదల: వెస్ట్రోస్‌లో మొదలైన అసలైన డ్రాగన్ యుద్ధం!

House of the Dragon | గేమ్ ఆఫ్ థ్రోన్స్‌ ఫ్యాంటసీ ప్రియులు ఎంతో ఆసక్తిగా ఎదురుచూస్తున్న 'హౌస్ ఆఫ్ ది డ్రాగన్' సీజన్ 3 టీజర్‌ను మేక‌ర్స్ ఇటీవ‌లే విడుద‌ల చేశారు.

House of the Dragon | గేమ్ ఆఫ్ థ్రోన్స్‌ ఫ్యాంటసీ ప్రియులు ఎంతో ఆసక్తిగా ఎదురుచూస్తున్న ‘హౌస్ ఆఫ్ ది డ్రాగన్’ సీజన్ 3 టీజర్‌ను మేక‌ర్స్ ఇటీవ‌లే విడుద‌ల చేశారు. వెస్ట్రోస్ గడ్డపై టార్గేరియన్ల మధ్య వారసత్వ పోరు (డ్యాన్స్ ఆఫ్ ది డ్రాగన్స్) ఇప్పుడు పతాక స్థాయికి చేరుకున్నట్లు ఈ టీజర్ చూస్తే అర్థ‌మ‌వుతుంది. ముఖ్యంగా ఎగాన్ గాయపడటంతో ఐరన్ థ్రోన్ పై ఎమండ్ టార్గేరియన్ ఆసీనుడవ్వడం కథలో పెను మార్పులకు సంకేతంగా కనిపిస్తోంది. మరోవైపు, క్వీన్ రైనీరా మరిన్ని కొత్త డ్రాగన్లతో తన సైన్యాన్ని బలోపేతం చేసుకుని అలిసెంట్ గ్రూపుకు గట్టి సవాలు విసురుతోంది.

ఈ సీజన్‌లో హైటవర్ సైన్యానికి తోడుగా ‘టెస్సారియన్’ అనే నీలి రంగు డ్రాగన్ ప్రవేశం అభిమానులను ఆకట్టుకుంటోంది. పుస్తకాల్లో ఎంతో కీలకమైన ‘బ్యాటిల్ ఆఫ్ ది గల్లెట్’ అనే భారీ సముద్ర యుద్ధం ఈ సీజన్‌లోనే ప్రధాన ఆకర్షణగా ఉండబోతోంది. జేమ్స్ నార్టన్, టామీ ఫ్లానాగన్ వంటి కొత్త నటులు ఈ సిరీస్‌లో చేరుతుండగా, మొత్తం 4 సీజన్లతో ఈ కథ ముగియనుందని మేకర్స్ వెల్లడించారు. జూన్ 2026లో విడుదల కానున్న ఈ సిరీస్ భారత్‌లో జియో సినిమా లేదా హాట్‌స్టార్ ద్వారా అందుబాటులోకి రానుంది. ఇప్పటికే ‘ఏ నైట్ ఆఫ్ ది సెవెన్ కింగ్‌డమ్స్’ జియో హాట్‌స్టార్‌లో దూసుకుపోతుండ‌గా.. ఈ టీజర్ అంచ‌నాల‌ను మరింత పెంచేసింది.