Visit:
James McCaffrey | ప్రముఖ హాలీవుడ్‌ నటుడు జేమ్స్ మెక్‌కాఫ్రీ (65) కన్నుమూశారు. ఆయన చాలాకాలంగా క్యాన్సర్‌తో పోరాడుతున్నారు. మోస్ట్ ఫేమస్ వీడియో గేమ్ సిరీస్‌లో ‘మాక్స్ పేన్‌’కి వాయిస్ ఆర్టిస్ట్‌గా పని చేసిన ఆడియన్స్‌కు దగ్గరయ్యారు. అలాగే ‘రెస్క్యూ మి’ సహా పలు టెలివిజన్‌ షోలలో నటించారు. మెక్‌కాఫ్రీ మృతి చెందినట్లుగా ఏజెంట్‌ డేవిట్‌ ఇలియట్‌తో పాటు కుటుంబీకులు, స్నేహితులు తెలిపారు. న్యూయార్క్ శివారులోని లార్చ్‌మాంట్‌లోని ఇంట్లో మల్టిపుల్‌ మైలోమాతో మరణించినట్లు మెక్‌కాఫ్రీ భార్య, నటి రోచెల్‌ బోస్ట్రోమ్‌ పేర్కొన్నారు. మైలోమా అనేది తెల్ల రక్త కణాలను ప్రభావితం చేసే ఒక రకమైన క్యాన్సర్.
నటుడి మరణంతో హాలీవుడ్‌లో విషాదం చోటు చేసుకున్నది. పలువురు నటీనటులు సోషల్‌ మీడియా వేదికగా సంతాపం ప్రకటించారు. జేమ్స్ ఆత్మకు శాంతి చేకూరాలంటూ ఎన్‌టూరేజ్‌ స్టార్‌ కెవిన్‌ డిల్లాన్‌ సోషల్‌ మీడియాలో పోస్ట్‌ పెట్టారు. జేమ్స్ మెక్‌కాఫ్రీ వీడియో గేమ్ సిరీస్‌కి వాయిస్ ఆర్టిస్ట్‌గా పని చేయక ముందు 35సంవత్సరాలకుపైగా సినిమాలతో పాటు టెలివిజన్‌ రంగంలో పని చేశారు. 1980 సంవత్సరం నుంచి నటిస్తున్న జేమ్స్ ‘న్యూయార్క్ అండర్ కవర్’ ప్రాజెక్ట్‌తో గుర్తింపు పొందాడు. 2004లో ఎఫ్‌ఎక్స్‌ కి చెందిన ‘రెస్క్యూ మీ’లో కెరీర్ బెస్ట్ రోల్‌ను పోషించాడు.
