ఈ సినిమాతో ‘గుడ్‌ టైమ్‌’ ఖాయం

నిఖిల్‌ గాజుల, అన్యుక్త నలాని, హృతిక్‌ శెట్టి, ధనరాజ్‌ ప్రధాన పాత్రలు పోషిస్తున్న చిత్రం ‘గుడ్‌ టైమ్‌'. చాణక్య జిల్లా దర్శకుడు. రమేశ్‌ జిల్లా నిర్మాత. శుక్రవారం(నేడు) సినిమా విడుదల కానున్నది. ఈ సందర్భంగా హైదరాబాద్‌లో ప్రీరిలీజ్‌ ఈవెంట్‌ని నిర్వహించారు. డైరెక్టర్‌ అనిల్‌ విశ్వనాథ్‌, హీరోయిన్‌ కామాక్షి భాస్కర్ల ఈ కార్యక్రమానికి అతిథులుగా విచ్చేసి చిత్రబృందానికి శుభాకాంక్షలు అందించారు.

ఈ సినిమాలో భాగం కావడం పట్ల నటీనటులంతా ఆనందం వెలిబుచ్చారు. యువతరానికి నచ్చే యూత్‌ఫుల్‌ ఎంటర్‌టైనర్‌ ‘గుడ్‌ టైమ్‌’ అని, సినిమా ఆద్యంతం వినోదాత్మకంగా ఉంటుందని దర్శకుడు చాణక్య జిల్లా తెలిపారు. ఈ సినిమా చూస్తూ తమకు తాము తెరపై చూసుకుంటున్న అనుభూతికి యువతరం లోనవుతారని నిర్మాత నమ్మకంగా చెప్పారు. ఇంకా చిత్రబృందమంతా మాట్లాడారు.