హాలీవుడ్‌ లెవల్లో బైకర్‌

‘బలమైన భావోద్వేగాలుండే అద్భుతమైన స్క్రిప్ట్‌ ‘బైకర్‌' ’ అంటున్నారు సంగీత దర్శకుడు జిబ్రాన్‌. ఆయన సంగీతం అందిస్తున్న ఈ స్పోర్ట్స్‌ డ్రామాకు హీరో శర్వానంద్‌. అభిలాష్‌రెడ్డి కంకర దర్శకుడు. యూవీ క్రియేషన్స్‌ నిర్మిస్తున్న ఈ చిత్రం ఏప్రిల్‌ 3న రిలీజ్‌ కానుంది.

‘బలమైన భావోద్వేగాలుండే అద్భుతమైన స్క్రిప్ట్‌ ‘బైకర్‌’ ’ అంటున్నారు సంగీత దర్శకుడు జిబ్రాన్‌. ఆయన సంగీతం అందిస్తున్న ఈ స్పోర్ట్స్‌ డ్రామాకు హీరో శర్వానంద్‌. అభిలాష్‌రెడ్డి కంకర దర్శకుడు. యూవీ క్రియేషన్స్‌ నిర్మిస్తున్న ఈ చిత్రం ఏప్రిల్‌ 3న రిలీజ్‌ కానుంది. ఈ సందర్భంగా సంగీత దర్శకుడు జిబ్రాన్‌ ఆదివారం మీడియాతో మాట్లాడారు.

‘శర్వానంద్‌ ‘రన్‌ రాజా రన్‌’తోనే సంగీత దర్శకుడిగా పరిచయం అయ్యాను. మళ్లీ ఆయనతో పనిచేయడం ఆనందంగా ఉంది. ఈ సినిమా మేకింగ్‌ హాలీవుడ్‌ లెవల్లో ఉంటుంది. ప్రతి క్రీడాకారుడి కుటుంబంలో ఉండే ఎమోషన్సే ఇందులో కనిపిస్తాయి. ఇదొక తండ్రీకొడుకల కథ. రేసింగ్‌నీ, ఎమోషన్స్‌ని దర్శకుడు బాగా బ్లెండ్‌ చేశాడు. సినిమా బాగా వచ్చింది. ముఖ్యంగా రేసింగ్‌ సన్నివేశాలు ఆడియన్‌ని సీట్‌ ఎడ్జ్‌లో కూర్చోబెడతాయ్‌.

ఇలాంటి సినిమాకు ఎలాంటి మ్యూజిక్‌ అవసరమో అలా బెస్ట్‌ ఇవ్వడానికి ప్రయత్నించాం’ అని చెప్పారు జిబ్రాన్‌. రేసింగ్‌ టైమ్‌లో సౌండ్‌ ఎక్కువగా ఉంటుందని, దానివల్ల మ్యూజిక్‌ వినిపించకుండా పోకూడదని ఓ కొత్త టెక్నాలజీని ఉపయోగించి బ్యాక్‌గ్రౌండ్‌ స్కోర్‌ చేశామని, శర్వా పర్‌ఫార్మెన్స్‌ ఇందులో నెక్ట్స్‌ లెవల్లో ఉంటుందని, దర్శకుడు అభిలాష్‌ క్లారిటీతో ఈ సినిమాను తెరకెక్కించారని, ప్రస్తుతం తమిళంలో ‘లీడర్‌’అనే సినిమా కూడా చేస్తున్నానని జిబ్రాన్‌ తెలిపారు.