Visit:
Salaar Trailer | పాన్ ఇండియా మూవీ లవర్స్‌ ఎక్జయిటింగ్‌గా ఎదురుచూస్తున్న తెలుగు సినిమాల్లో ఒకటి సలార్ (Salaar). కేజీఎఫ్‌ డైరెక్టర్‌ ప్రశాంత్‌ నీల్‌ (Prashanth Neel), ప్రభాస్‌ (Prabhas) కాంబినేషన్‌లో యాక్షన్‌ థ్రిల్లర్‌ జోనర్‌లో తెరకెక్కుతున్న సలార్ రెండు పార్టులుగా రాబోతుండగా.. ఇప్పటికే విడుదల చేసిన Salaar Part-1 Ceasefire టీజర్‌ నెట్టింట వైరల్ అవుతూ.. మిలియన్ల సంఖ్యలో వ్యూస్ రాబడుతోంది. ఈ చిత్రంలో శృతిహాసన్ ఫీ మేల్ లీడ్ రోల్‌లో నటిస్తుండగా.. తన పాత్రకు డబ్బింగ్ కూడా మొదలు పెట్టినట్టు తెలియజేస్తూ అప్డేట్ అందించింది.
పార్ట్‌ 1 సెప్టెంబర్ 28న విడుదలవుతుంది. ఈ నేపథ్యంలో ట్రైలర్‌ను ఎప్పుడు లాంఛ్ చేస్తారా..? అని ఆసక్తిగా ఎదురుచూస్తున్నారు అభిమానులు. సలార్ ట్రైలర్ త్వరలోనే రాబోతుందని, ట్రైలర్ కోసం ప్రభాస్‌ డబ్బింగ్ కూడా పూర్తి చేశాడన్న వార్త ఒకటి ఇండస్ట్రీ సర్కిల్‌లో హల్‌ చల్‌ చేస్తోంది. ట్రైలర్ లాంఛ్ ఏ రోజనే దానిపై మేకర్స్ నుంచి ప్రకటన రావడమే తరువాయి అని నెట్టింట అప్డేట్ చక్కర్లు కొడుతోంది.
మాఫియా నేపథ్యంలో తెరకెక్కుతున్న సలార్ టీజర్‌లో డార్క్‌షేడ్స్‌ బ్యాక్‌డ్రాప్‌లో వచ్చే స్టన్నింగ్‌ విజువల్స్‌ మధ్య సలార్‌గా రెబల్‌ స్టార్ ప్రభాస్‌ ఎంట్రీ ఇస్తున్న సన్నివేశాలు ఇప్పటికే సోషల్ మీడియాను షేక్ చేస్తున్నాయి. ప్రశాంత్‌ నీల్‌ ఈ సారి అంతర్జాతీయ మాఫియా చుట్టూ తిరిగే కథాంశంతో సలార్‌ను తెరకెక్కిస్తున్నాడట. అంతేకాదు ఇందులో ఓ ఇంటర్నేషనల్‌ యాక్టర్‌ కూడా నటిస్తున్నాడని వార్తలు వస్తుండగా.. దీనిపై హోంబలే ఫిలిమ్స్ బ్యానర్‌ అండ్‌ మేకర్స్ టీం నుంచి క్లారిటీ రావాల్సి ఉంది.
సలార్‌లో మాలీవుడ్‌ స్టార్ హీరో పృథ్విరాజ్ సుకుమారన్‌ కీలక పాత్రలో నటిస్తున్నాడు. విజయ్ కిరగందూర్‌ తెరకెక్కిస్తున్న సలార్ పార్ట్‌-1 2023 సెప్టెంబర్ 28న ప్రపంచవ్యాప్తంగా తెలుగు, తమిళం, మలయాళం, హిందీ భాషల్లో గ్రాండ్‌గా విడుదల కానుంది. సలార్ పార్ట్‌-2 విడుదలపై క్లారిటీ రావాలంటే పార్టు 1 వరకు రిలీజయ్యే వరకు వెయిట్ చేయాల్సిందే.
సలార్ టీజర్‌..
