Visit:
Blink IT – Pushpa 2 Ticket | ప్ర‌ముఖ ఈ కామర్స్ సంస్థ బ్లింక్ ఇట్ (Blink It) త‌మ వినియోగ‌దారుల‌కు బంఫ‌ర్ ఆఫ‌ర్ ప్రకటించింది. త‌మ యాప్‌లో గ్రాస‌రీలు (కిరాణా స‌మాన్లు) ఆర్డ‌ర్ చేసుకున్న‌వారికి అల్లు అర్జున్ న‌టిస్తున్న పుష్ప 2 టికెట్ ఫ్రీగా ఇవ్వబోతున్నట్లు ప్రకటించింది. పాన్ ఇండియా మోస్ట్ అవైటెడ్ చిత్రం పుష్ప 2 డిసెంబ‌ర్ 05 ప్రేక్ష‌కుల ముందుకు రానున్న విష‌యం తెలిసిందే. మ‌రో 12 రోజుల్లో ప్ర‌పంచ‌వ్యాప్తంగా పుష్ప 2 సంద‌డి మొద‌లు కానుండ‌టంతో ఇప్ప‌టి నుంచే టికెట్ల కోసం ఎగ‌బ‌డుతున్నారు అభిమానులు. ఓవ‌ర్సీస్ అడ్వాన్స్ బుకింగ్స్ ఇప్ప‌టికే మొద‌లుకాగా.. ఇండియాలో ఎప్పుడు బుకింగ్స్ స్టార్ట్ అవుతాయా అని మూవీ ల‌వ‌ర్స్ ఆస‌క్తిగా ఎదురుచూస్తున్నారు.
అయితే దేశ‌వ్యాప్తంగా పుష్ప 2 సినిమాకి ఉన్న క్రేజ్‌ని వాడుకోవాలి అనుకున్న ప్ర‌ముఖ ఈ కామర్స్ సంస్థ బ్లింక్ ఇట్(Blink It) త‌మ వినియోగ‌దారుల‌కు బంఫ‌ర్ ఆఫ‌ర్ ప్రకటించింది. త‌మ యాప్‌లో కిరాణా స‌మాన్లు కొనుకున్న‌వారికి పుష్ప 2 టికెట్ వోచ‌ర్ ఇవ్వబోతున్నట్లు ప్రకటించింది. అయితే రూ.999 కంటే ఎక్కువ ఆర్డ‌ర్ చేస్తేనే ఈ ఆఫ‌ర్ వ‌ర్తిస్తుంద‌ని తెలిపింది. ఈ ఆఫ‌ర్ నవంబర్ 23 నుంచి నవంబర్ 29 వ‌రకు ఉంటుంద‌ని ప్రకటించింది.
