Vivek Chepuri | విలన్‌ నుంచి హీరోగా వివేక్ చేపూరి గ్రాండ్ ఎంట్రీ!

Vivek Chepuri | ‘ఫలక్‌నుమా దాస్’ చిత్రంలో విలనిజంతో ప్రేక్షకులను మెప్పించిన యువ నటుడు వివేక్ చేపూరి ఇప్పుడు హీరోగా టాలీవుడ్‌లోకి అడుగుపెట్టనున్నారు.

Vivek Chepuri | ‘ఫలక్‌నుమా దాస్’ చిత్రంలో విలనిజంతో ప్రేక్షకులను మెప్పించిన యువ నటుడు వివేక్ చేపూరి ఇప్పుడు హీరోగా టాలీవుడ్‌లోకి అడుగుపెట్టనున్నారు. 2019లో వచ్చిన ఆ చిత్రంలో రవి పాత్రతో మంచి గుర్తింపు తెచ్చుకున్న ఆయన, ఇటీవల విశ్వక్ సేన్ దర్శకత్వంలో వచ్చిన ‘కల్ట్’ చిత్రంలో ఇషాన్ పాత్రతో మరోసారి అందరినీ భయపెట్టడమే కాకుండా అద్భుతమైన నటనతో ఆకట్టుకున్నారు. ప్రస్తుతం సోషల్ మీడియాలో ఆయన పాత్రకు సంబంధించిన రీల్స్ ఎంతగానో వైరల్ అవుతున్నాయి.

హైదరాబాద్‌లోని దిల్‍సుఖ్‍నగర్ పీ అండ్ టీ కాలనీకి చెందిన వివేక్ చేపూరి, తొందరపడి వచ్చిన ప్రతి అవకాశాన్ని ఒప్పుకోకుండా ఎంతో సంయమనంతో మంచి పాత్రల కోసం వేచి చూశారు. ఈ క్రమంలోనే ఆయన త్వరలోనే హీరోగా ఓ ద్విభాషా చిత్రంతో ప్రేక్షకుల ముందుకు రానున్నారు. తెలుగు, తమిళ భాషల్లో రూపొందుతున్న ఈ సినిమాకు టి. శరత్ చంద్ర దర్శకత్వం వహిస్తుండగా, ప్రియేష్ గురుస్వామి సినిమాటోగ్రాఫర్‌గా వ్యవహరిస్తున్నారు. నవంబర్ నెలలోనే ఈ చిత్రానికి సంబంధించిన గ్లింప్స్ మరియు టీజర్‌ను విడుదల చేయడానికి చిత్ర బృందం సన్నాహాలు చేస్తున్నట్లు సమాచారం.