ఫైటర్‌ శివ హంగామా

మణికంఠ, ఐరా బన్సాల్‌ జంటగా రూపొందుతున్న యాక్షన్‌ థ్రిల్లర్‌ ‘ఫైటర్‌ శివ’. ఇందులో సునీల్‌ కీలక పాత్ర పోషిస్తున్నారు.

మణికంఠ, ఐరా బన్సాల్‌ జంటగా రూపొందుతున్న యాక్షన్‌ థ్రిల్లర్‌ ‘ఫైటర్‌ శివ’. ఇందులో సునీల్‌ కీలక పాత్ర పోషిస్తున్నారు. ప్రభాస్‌ నిమ్మల దర్శకుడు. నర్సింగ్‌, ఉన్నం రమేశ్‌ నిర్మాతలు. షూటింగ్‌ పూర్తి చేసుకున్న ఈ సినిమా ప్రస్తుతం పోస్ట్‌ప్రొడక్షన్‌ దశలో ఉంది. ప్రచారంలో భాగంగా ఈ సినిమా ఫస్ట్‌లుక్‌ పోస్టర్‌ని విడుదల చేశారు. అగ్ర దర్శకుడు సంపత్‌ నంది ఈ పోస్టర్‌ని ఆవిష్కరించి, చిత్ర యూనిట్‌కు శుభాకాంక్షలు అందించారు.

యాక్షన్‌ చిత్రాలను ఇష్టపడే ప్రేక్షకులకు ఈ సినిమా నచ్చుతుందని మేకర్స్‌ తెలిపారు. వికాస్‌ వశిష్ట, మధుసూదన్‌, యోగి కాట్రి, దిల్‌ రమేశ్‌, లక్ష్మణ్‌, అభయ్‌, ఆనంద్‌ భారతి, ఘర్షణ శ్రీనివాస్‌, మాస్టర్‌ శన్విత్‌ నిమ్మల తదితరులు ఇతర పాత్రలు పోషిస్తున్న ఈ చిత్రానికి కెమెరా: సురేందర్‌రెడ్డి, సంజీవ్‌ లోక్నాథ్‌, సంగీతం: గౌతమ్‌ రఘురాం, నిర్మాణం: అరుణగిరి ఆర్ట్స్‌.