Fighter Movie | బాలీవుడ్ స్టార్ హీరో హృతిక్ రోషన్, దీపికా పదుకొణె ప్రధాన పాత్రల్లో నటిస్తున్న తాజా చిత్రం ‘ఫైటర్'(Fighter). వార్, పఠాన్ వంటి బ్లాక్ బస్టర్ సినిమాల ఫేమ్ సిద్దార్ధ్ ఆనంద్ ఈ సినిమాకు దర్శకత్వం వహిస్తుండగా.. వయాకామ్ 18 స్టూడియోస్, మార్ ఫ్లిక్స్ పిక్చర్స్ సంస్థలపై మమతా ఆనంద్, రామన్ చిబ్, అంకు పాండే గ్రాండ్గా నిర్మిస్తున్నారు. ఈ మూవీలో అనిల్ కపూర్, అక్షయ్ ఒబెరాయ్, సంజీదా షేక్ తదితరులు కీలక పాత్రలు పోషిస్తున్నారు. రిపబ్లిక్ డే కానుకగా జనవరి 25న ఈ సినిమా ప్రేక్షకుల ముందుకు రానుంది. ఇక విడుదల తేదీకి ఇంకా నెల రోజులు ఉండటంతో మేకర్స్ ఇప్పటినుంచే ప్రమోషన్స్ మొదలుపెట్టారు. ఈ సినిమా నుంచి ఇప్పటికే వచ్చిన ఫస్ట్ లుక్లతో పాటు విడుదలైన మూవీ టీజర్కు ప్రేక్షకుల వద్ద నుంచి సాలిడ్ రెస్పాన్స్ వచ్చింది.
ఇదిలా ఉంటే.. తాజాగా ఈ మూవీ నుంచి మేకర్స్ ఫస్ట్ సింగిల్ (Fighter first Single)ను విడుదల చేశారు. “షేర్ ఖుల్ గయే” (Sher Khul Gaye) అంటూ సాగే ఈ పార్టీ సాంగ్ను చిత్రబృందం సోషల్ మీడియా వేదికగా వదిలింది. ఈ పాటలో హృతిక్ రోషన్ , దీపికా పదుకొనె డాన్స్ మూమెంట్స్ ఫాన్స్ ను ఫిదా చేస్తున్నాయి. ఈ సినిమాలో హృతిక్ రోషన్ స్క్వాడ్రన్ లీడర్ షంషేర్ పఠానియా (పాటీ)గా కనిపించనుండగా.. స్క్వాడ్రన్ లీడర్ మిన్నిగా (దీపికా పదుకొనే).. గ్రూప్ కెప్టెన్ రాకేష్ జై సింగ్ పాత్రలో అనిల్ కపూర్ కనిపించనున్నాడు.