Fauzi | ప్రభాస్‌ ‘ఫౌజీ’ షూటింగ్‌పై కీలక అప్‌డేట్‌.. నవంబర్‌ 3 నుంచి మళ్లీ సెట్స్‌లోకి పాన్‌ ఇండియా స్టార్‌!

Fauzi | పాన్‌ ఇండియా స్టార్‌ ప్రభాస్‌ వరుస భారీ చిత్రాలతో అభిమానులను అలరించేందుకు సిద్ధమవుతున్నారు. ప్రస్తుతం ఆయన చేతిలో పలు ప్రతిష్టాత్మక ప్రాజెక్టులు ఉండగా, వాటిలో దర్శకుడు హను రాఘవపూడితో చేస్తున్న ‘ఫౌజీ’ సినిమాపై భారీ అంచనాలు నెలకొన్నాయి. ఈ పీరియాడిక్‌ యాక్షన్‌ డ్రామాకు సంబంధించి తాజాగా ఓ ఆసక్తికరమైన అప్‌డేట్‌ బయటకు వచ్చింది.

Fauzi | పాన్‌ ఇండియా స్టార్‌ ప్రభాస్‌ వరుస భారీ చిత్రాలతో అభిమానులను అలరించేందుకు సిద్ధమవుతున్నారు. ప్రస్తుతం ఆయన చేతిలో పలు ప్రతిష్టాత్మక ప్రాజెక్టులు ఉండగా, వాటిలో దర్శకుడు హను రాఘవపూడితో చేస్తున్న ‘ఫౌజీ’ సినిమాపై భారీ అంచనాలు నెలకొన్నాయి. ఈ పీరియాడిక్‌ యాక్షన్‌ డ్రామాకు సంబంధించి తాజాగా ఓ ఆసక్తికరమైన అప్‌డేట్‌ బయటకు వచ్చింది. కొంతకాలం విరామం తర్వాత ఈ సినిమా చిత్రీకరణను తిరిగి ప్రారంభించేందుకు ప్రభాస్‌ సిద్ధమయ్యారు. ప్రస్తుతం ‘కల్కి 2’ చిత్రీకరణలో పాల్గొంటున్న ప్రభాస్‌.. త్వరలోనే ‘ఫౌజీ’ సెట్స్‌లోనూ అడుగుపెట్టనున్నారు. నవంబర్‌ 3, 2026 నుంచి ఈ సినిమా షూటింగ్‌ తిరిగి ప్రారంభం కానున్నట్లు సమాచారం. ఇప్పటికే చిత్రీకరణ తుది దశకు చేరుకున్న నేపథ్యంలో మిగిలిన భాగాన్ని త్వరగా పూర్తి చేయాలని చిత్ర బృందం భావిస్తున్నట్లు తెలుస్తోంది.

ఇటీవల విడుదలైన ‘ఫౌజీ’ గ్లింప్స్‌ ప్రేక్షకుల్లో మంచి ఆసక్తిని పెంచింది. ప్రభాస్‌ లుక్‌, సినిమా నేపథ్యం, యాక్షన్‌ అంశాలు అభిమానులను ఆకట్టుకున్నాయి. దీంతో ఈ సినిమా ఎప్పుడు థియేటర్లలోకి వస్తుందా అని ప్రేక్షకులు ఎదురుచూస్తున్నారు. హను రాఘవపూడి ఈ సినిమాను పీరియాడిక్‌ నేపథ్యంలో భారీ చారిత్రక యాక్షన్‌ డ్రామాగా రూపొందిస్తున్నారు. సాధారణ కమర్షియల్‌ కథలకు భిన్నంగా చారిత్రక నేపథ్యం, భావోద్వేగాలు, యాక్షన్‌ అంశాలకు ప్రాధాన్యత ఇవ్వనున్నట్లు తెలుస్తోంది. ఈ ప్రాజెక్ట్‌ కోసం ప్రభాస్‌ అభిమానులు ఎంతో ఆసక్తిగా ఎదురుచూస్తున్నారు. ఈ చిత్రంలో ప్రభాస్‌కు జోడీగా ఇమాన్వి నటిస్తోంది. ప్రముఖ సంగీత దర్శకుడు విశాల్‌ చంద్రశేఖర్‌ సంగీతం అందిస్తున్నారు. అనుపమ్‌ ఖేర్‌, మిథున్‌ చక్రవర్తి, జయప్రద వంటి సీనియర్‌ నటులు కీలక పాత్రల్లో కనిపించనున్నారు.

‘ఫౌజీ’ చిత్రాన్ని భారీ స్థాయిలో నిర్మిస్తున్నట్లు ప్రచారం జరుగుతోంది. ఈ సినిమా బడ్జెట్‌ రూ.700 కోట్లకు పైగా ఉంటుందని వార్తలు వినిపిస్తున్నాయి. మైత్రీ మూవీ మేకర్స్‌ సంస్థ ఈ చిత్రాన్ని నిర్మిస్తోంది. ప్రభాస్‌ పాన్‌ ఇండియా క్రేజ్‌, హను రాఘవపూడి దర్శకత్వ శైలి, భారీ తారాగణం సినిమాపై అంచనాలను పెంచుతున్నాయి. ప్రస్తుతం అందుతున్న సమాచారం ప్రకారం ‘ఫౌజీ’ చిత్రాన్ని 2027 మార్చి 19న ప్రేక్షకుల ముందుకు తీసుకురావాలని చిత్ర బృందం ప్రణాళిక సిద్ధం చేసింది. షూటింగ్‌ తిరిగి ప్రారంభం కానుండటంతో నిర్మాణ పనుల్లో వేగం పెరగనుంది. అయితే చిత్రీకరణ, ఇతర నిర్మాణానంతర పనులు అనుకున్న సమయానికి పూర్తయితేనే ఈ విడుదల తేదీ సాధ్యమవుతుంది.