Ranveer Singh | ‘డాన్‌-3’లో రణ్‌వీర్‌సింగ్‌

షారుఖ్‌ఖాన్‌ కథానాయకుడిగా ‘డాన్‌' ఫ్రాంఛైజీలో వచ్చిన రెండు చిత్రాలు బాలీవుడ్‌లో చక్కటి ప్రేక్షకాదరణ సొంతం చేసుకున్నాయి. ఫరాన్‌ అక్తర్‌ దర్శకత్వంలో రూపొందిన ఈ చిత్రాలు భారీ యాక్షన్‌ థ్రిల్లర్స్‌గా ప్రేక్షకుల్ని మెప్పించాయి.

షారుఖ్‌ఖాన్‌ కథానాయకుడిగా ‘డాన్‌’ ఫ్రాంఛైజీలో వచ్చిన రెండు చిత్రాలు బాలీవుడ్‌లో చక్కటి ప్రేక్షకాదరణ సొంతం చేసుకున్నాయి. ఫరాన్‌ అక్తర్‌ దర్శకత్వంలో రూపొందిన ఈ చిత్రాలు భారీ యాక్షన్‌ థ్రిల్లర్స్‌గా ప్రేక్షకుల్ని మెప్పించాయి. దీంతో ఈ ఫ్రాంఛైజీలోని మూడో భాగం కోసం అభిమానులు ఆసక్తిగా ఎదురుచూస్తునారు.

మూడో భాగంలో షారుఖ్‌ఖాన్‌ స్థానంలో రణ్‌వీర్‌సింగ్‌ హీరోగా నటించబోతున్నారని దర్శకుడు ఫర్హాన్‌ అక్తర్‌ మంగళవారం సోషల్‌మీడియా ద్వారా వెల్లడించారు. ‘షారుఖ్‌ఖాన్‌తో చేసిన ‘డాన్‌’ ‘డాన్‌-2’ చిత్రాలు ఎంతో సంతృప్తినిచ్చాయి. ఈ ఫ్రాంఛైజీకి ఉన్న క్రేజ్‌ను కొనసాగించాలకుంటున్నాం. టాలెంటెడ్‌ హీరో రణ్‌వీర్‌సింగ్‌తో ఈ ఫ్రాంఛైజీని కొనసాగిస్తాం. 2025లో ఈ చిత్రాన్ని విడుదల చేస్తాం’ అని ఫర్హాన్‌ అక్తర్‌ తెలిపారు.