Fan War | మదురై థియేటర్లో బ్యానర్ వివాదం.. ‘జన నాయకుడు’-‘పరాశక్తి’ పోటీతో టెన్షన్ వాతావరణం
Fan War | తమిళ చిత్ర పరిశ్రమలో స్టార్ హీరోల సినిమాలు ఒకేసారి విడుదల కాబోతున్న వేళ అభిమానుల మధ్య ఉద్రిక్తతలు తెరపైకి వస్తున్నాయి. మదురైలోని ఓ థియేటర్లో శివకార్తికేయన్ నటించిన ‘పరాశక్తి’ సినిమా బ్యానర్ను దళపతి విజయ్ అభిమానులు చించివేసిన ఘటన ప్రస్తుతం సోషల్ మీడియాలో చర్చనీయాంశంగా మారింది.
Fan War | తమిళ చిత్ర పరిశ్రమలో స్టార్ హీరోల సినిమాలు ఒకేసారి విడుదల కాబోతున్న వేళ అభిమానుల మధ్య ఉద్రిక్తతలు తెరపైకి వస్తున్నాయి. మదురైలోని ఓ థియేటర్లో శివకార్తికేయన్ నటించిన ‘పరాశక్తి’ సినిమా బ్యానర్ను దళపతి విజయ్ అభిమానులు చించివేసిన ఘటన ప్రస్తుతం సోషల్ మీడియాలో చర్చనీయాంశంగా మారింది. ఈ ఘటనకు సంబంధించిన వీడియో వైరల్ కావడంతో తమిళ ప్రేక్షకుల్లోనూ తీవ్ర స్పందనలు వ్యక్తమవుతున్నాయి.తమిళ అగ్ర కథానాయకుడు దళపతి విజయ్ రాజకీయాల్లోకి ప్రవేశించడంతో సినిమాలకు వీడ్కోలు పలికిన సంగతి తెలిసిందే. ఆయన చివరి చిత్రంగా తెరకెక్కిన ‘జన నాయకుడు’ జనవరి 9న ప్రపంచవ్యాప్తంగా విడుదలకు సిద్ధమవుతోంది. హెచ్. వినోద్ దర్శకత్వంలో రూపొందిన ఈ చిత్రంలో పూజా హెగ్డే, మమీతా బైజు, బాబీ డియోల్, నరేన్, ప్రియమణి వంటి ప్రముఖ నటులు కీలక పాత్రల్లో కనిపించనున్నారు. అనిరుధ్ సంగీతం అందించిన ఈ సినిమాపై అభిమానుల్లో భారీ అంచనాలు నెలకొన్నాయి.
ఇటీవల విడుదలైన ‘జన నాయకుడు’ ట్రైలర్కు అభిమానుల నుంచి ఘన స్వాగతం లభించింది. కొన్ని థియేటర్లు ట్రైలర్ లాంచ్ను పండుగలా జరుపుకోవడం కూడా జరిగింది. అలాంటి కార్యక్రమాల్లో భాగంగా మదురైలోని ఓ థియేటర్లో ప్రత్యేక వేడుక నిర్వహించారు. ఇదే సమయంలో శివకార్తికేయన్ హీరోగా నటించిన ‘పరాశక్తి’ కూడా విడుదల కావడం తమిళ సినీ వర్గాల్లో చర్చకు దారి తీసింది. రెండు పెద్ద సినిమాలు ఒకేసారి థియేటర్లకు రావడం సహజంగానే పోటీ వాతావరణాన్ని సృష్టిస్తోంది. అయితే ఈ పోటీ అభిమానుల మధ్య ఉద్రిక్తతలకు దారి తీస్తుండడం ఆందోళన కలిగిస్తోంది. మదురైలో ట్రైలర్ వేడుక జరుగుతున్న సమయంలో థియేటర్ ప్రాంగణంలో ఉన్న ‘పరాశక్తి’ బ్యానర్ను కొందరు విజయ్ అభిమానులు చించివేయడం ఈ వివాదానికి నాంది పలికింది. ఈ ఘటనను కొందరు తీవ్రంగా ఖండిస్తుండగా, మరికొందరు అభిమానుల అతివాద ప్రవర్తనపై ప్రశ్నలు లేవనెత్తుతున్నారు.
ఈ ఘటన తర్వాత సోషల్ మీడియాలో విజయ్ అభిమానులు, శివకార్తికేయన్ అభిమానుల మధ్య మాటల యుద్ధం కొనసాగుతోంది. మల్టీప్లెక్స్లలో రెండు సినిమాలు ఒకేసారి ప్రదర్శించనున్న నేపథ్యంలో, ఇలాంటి ఘటనలు మరింత పెరిగే అవకాశముందనే భయం వ్యక్తమవుతోంది. ఇప్పటికే నెటిజన్లు ఈ విషయంపై విస్తృతంగా చర్చిస్తున్నారు.ఈ పరిణామాల నేపథ్యంలో, అభిమానులు క్రమశిక్షణతో వ్యవహరించాలని విజయ్, శివకార్తికేయన్ ఇద్దరూ స్పష్టమైన సందేశం ఇవ్వాలని పలువురు కోరుతున్నారు. సినిమాలు వినోదం కోసమే కానీ, అభిమానుల మధ్య ద్వేషాలకు కారణం కాకూడదని సినీ ప్రేమికులు అభిప్రాయపడుతున్నారు. తమిళ సినిమా పరిశ్రమలో ఈ పరిణామాలు ఎటు దారితీస్తాయో చూడాలి.
Read Today's Latest Cinema News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

