Anil Ravipudi About F3| ఎఫ్ 3 కొన‌సాగింపుగా ఉండదు: అనిల్ రావిపూడి

టాలీవుడ్ లో వ‌స్తోన్న మోస్ట్ ప్రెస్టీజియ‌స్ ప్రాజెక్టు ఎఫ్ 3 (F3). వెంక‌టేశ్ (Venkatesh), వ‌రుణ్ తేజ్‌, త‌మ‌న్నా, మెహ‌రీన్ ఫిర్జాదా హీరోహీరోయిన్లు గా న‌టిస్తోన్న ఈ చిత్రం ఎఫ్ 2కు కొన‌సాగింపు కాద‌ని సినిమాతో అనిల్ రావిపూడి (Anil Ravipudi) క్లారిటీ ఇచ్చాడు.

టాలీవుడ్ లో వ‌స్తోన్న మోస్ట్ ప్రెస్టీజియ‌స్ ప్రాజెక్టు ఎఫ్ 3 (F3). వెంక‌టేశ్ (Venkatesh), వ‌రుణ్ తేజ్‌, త‌మ‌న్నా, మెహ‌రీన్ ఫిర్జాదా హీరోహీరోయిన్లు గా న‌టిస్తున్నారు. ఎఫ్ 2 సినిమాతో ప్రేక్ష‌కుల‌ను ఎంట‌ర్ టైన్ చేసిన అనిల్ రావిపూడి (Anil Ravipudi) ఎఫ్ 3తో మ‌రోసారి వినోదాన్ని అందించేందుకు రెడీ అవుతున్నాడు. అయితే ఈ సినిమా ఎఫ్ 2కు కంటిన్యూగా ఉంటుంద‌ని అంతా అనుకుంటుండ‌గా..దీనిపై క్లారిటీ ఇచ్చాడు అనిల్ రావిపూడి. ఎఫ్ 2 కు కొన‌సాగింపుగా ఎఫ్ 3 ఉండ‌బోద‌ని, అయితే ఆ మూవీ ఫ్లేవ‌ర్ టచ్ మాత్రం ఉంటుంద‌ని స్ప‌ష్టం చేశాడు.

ఇటీవ‌లే ఓ ఇంట‌ర్వ్యూలో అనిల్ రావిపూడి మాట్లాడుతూ..నా ప్ర‌తీ సినిమాను ఛాలెంజింగ్ గా తీసుకుంటా. ఇదే న‌న్ను చాలా క‌ష్ట‌ప‌డేలా చేస్తుంది. రాజా ది గ్రేట్‌, ఎఫ్ 2, స‌రిలేవ‌రు నీకెవ్వ‌రు చిత్రాల‌ను అదే రూటులో తెర‌కెక్కించాను. ఎఫ్ 3 సినిమాపై అంచ‌నాలున్నాయ‌ని ఒప్పుకుంటాను. కానీ ఈ ప్రాజెక్టు మాత్రం ఎఫ్ 2కు కొనసాగింపుగా ఉండ‌దు. అయితే ఎఫ్ 2లోని ఫ‌న్ , ఫ్ర‌స్టేష‌న్ ఎఫ్ 3లోనూ ఉంటాయి. ఎఫ్ 2 వివాహ సంబంధాల‌ను గురించి చెబితే..ఎఫ్ 3 మాత్రం ఫ్యామిలీలో డ‌బ్బు వ్య‌వ‌హారాల చుట్టూ తిరుగుతుందని చెప్పాడు. ఎఫ్ 3 క‌థ‌నం కొత్త‌గా ఉంటుంద‌ని అనిల్ రావిపూడి చెప్పుకొచ్చాడు.

శ్రీ వెంక‌టేశ్వ‌ర్ క్రియేష‌న్స్ బ్యాన‌ర్ పై దిల్‌రాజు, శిరీష్‌ ఈ చిత్రాన్ని నిర్మిస్తున్నారు. ఈ చిత్రంలో వెంకీ రేచీక‌టి ఉన్న వ్య‌క్తిగా క‌నిపించి పొట్ట చెక్క‌ల‌య్యేలా న‌వ్విస్తాడ‌ని ఫిలింన‌గ‌ర్ వ‌ర్గాల స‌మాచారం. మ‌రో టాలీవుడ్ యాక్ట‌ర్ సునీల్ కీ రోల్ చేస్తున్నాడు.

ఇవి కూడా చదవండి..

Dhyan chand : త్వరలో ధ్యాన్‌ చంద్‌ బయోపిక్‌

శృతి హాస‌న్ కోసం ప్ర‌భాస్ ఎన్ని ర‌కాల వంట‌లు చేయించాడో చూడండి..!

Chiranjeevi | చిరంజీవి గొప్ప మ‌న‌సుపై అసిస్టెంట్ డైరెక్ట‌ర్ ఏమ‌న్నారంటే…?