మలయాళంతో పాటు పలు భాషలలో రీమేక్ అయి మంచి విజయం సాధించిన చిత్రం దృశ్యం. ఇందులో వెంకటేష్ చిన్న కుమార్తెగా నటించిన పాట అందరికి గుర్తుండే ఉంటుంది. చూస్తుండగానే పెరిగి పెద్దదైన ఆమె పేరు ఎస్తర్ అనిల్. చిన్నతనంలోనే తన సత్తా చాటిన ఎస్తర్.. హీరోయిన్ అవకాశాల కోసం చాలా సీరియస్ గా ప్రయత్నిస్తోంది. ఇందుకోసం ఫొటోషూట్స్ చేస్తూ నిర్మాతలకు గాలం వేస్తుంది.
ఈ మధ్యనే తెలుగులో జోహార్ అనే మూవీలో హీరోయిన్ గా నటించిన ఎస్తర్ పెద్దగా పేరు ప్రఖ్యాతలు పొందలేకపోయింది. దీంతో సోషల్ మీడియా ద్వారా ఇమేజ్ పెంచుకోవాలని అనుకుంటుంది. ఇందులో భాగంగా 44 కేజీల బరువు ఉండే ఎస్తర్ 58 కేజీల బరువు ఉన్న డ్రెస్ ధరించి ఫొటోషూట్ చేసింది. తన బరువు కంటే అదనంగా14 కేజీల బరువున్న గౌన్ ధరించటం ఆసక్తికరంగా మారింది.
ఇంత బరువున్న డ్రెస్ ధరించడంపై స్పందించిన ఎస్తర్ .. తొలిసారి ఆ డ్రెస్ చూసినప్పుడు మురిసిపోయాను. వేసుకున్న తర్వాత చాలా సంతోషించాను. ఈ భారీ గౌన్ తయారీకి దాదాపు 30 రోజులు కష్టపడ్డారని వెల్లడించింది. ఇంతకాలం గుర్తింపు కోసం చేసిన ఎస్తర్ ప్రయత్నం తాజాగా క్యాస్టూమ్ తో ఫలించినట్లేనని చెప్పాలి. భారీ గౌన్లో ఎస్తర్ చాలా అందంగా కనిపిస్తుంది. మరి ఈ గౌన్ ఎస్తర్కి అవకాశాలు తెచ్చిపెడుతుందా అనేదా చూడాలి.