ఇంద్రగంటి టిపికల్‌ లవ్‌స్టోరీలో?

హీరో శ్రీకాంత్‌ తనయుడు రోషన్‌ ఇటీవలే ‘చాంపియన్‌' సినిమాతో ప్రేక్షకులను పలకరించాడు. అభినయపరంగా ఆ సినిమాలో రోషన్‌కి మంచి మార్కులే పడ్డాయి. లుక్స్‌ పరంగా కూడా అందరికీ నచ్చాడు. అందుకే రోషన్‌కి అవకాశాలు క్యూ కడుతున్నాయి.

హీరో శ్రీకాంత్‌ తనయుడు రోషన్‌ ఇటీవలే ‘చాంపియన్‌’ సినిమాతో ప్రేక్షకులను పలకరించాడు. అభినయపరంగా ఆ సినిమాలో రోషన్‌కి మంచి మార్కులే పడ్డాయి. లుక్స్‌ పరంగా కూడా అందరికీ నచ్చాడు. అందుకే రోషన్‌కి అవకాశాలు క్యూ కడుతున్నాయి. ప్రస్తుతం తను శైలేష్‌ కొలను దర్శకత్వంలో ‘ఏమో ఏమో ఇది’ అనే సినిమా చేస్తున్నాడు. రొమాంటిక్‌ ప్రేమకథగా రూపొందుతున్న ఈ చిత్రంపై ఇటీవల విడుదల చేసిన గ్లింప్స్‌ అంచనాలు పెంచింది.

ప్రస్తుతం ఈ సినిమా సెట్స్‌పై ఉంది. ఇదిలావుంటే.. ఈ లోపుగా మరో సినిమాకు కూడా రోషన్‌ సంతకం చేసినట్టు తెలిసింది. ఇంద్రగంటి మోహనకృష్ణ దర్శకత్వంలో అశోక్‌వర్ధన్‌ ముప్పా ఈ చిత్రాన్ని నిర్మించనున్నట్టు సమాచారం. ఇది ఇంద్రగంటి శైలిలో సాగే టిపికల్‌ లవ్‌స్టోరీ అని వినికిడి. ఈ సినిమాకు సంబంధించిన అధికారిక ప్రకటన త్వరలోనే రానుంది.